آریان خان ڈرگ کیس کی کارروائی پر بھارتی صحافی برکھا دت نے بھی سوالات اٹھادیے

آریان خان ڈرگ کیس کی متنازع کارروائی پر بھارتی صحافی برکھا دت نے بھی سوالات اٹھادیے۔

امریکی اخبار واشنگٹن پوسٹ میں مضمون میں برکھا دت نے کہا کہ بھارت میں جیل جانے والوں میں مسلمانوں، دلتوں کی تعداد زیادہ ہے، بھارت میں غربت، تعصب، ذات، طبقہ اس بات کا تعین کرتا ہے کہ کون جیل جائے گا اور کتنی دیر تک رہے گا۔

’مجھے تم پر بھروسہ ہے‘، شاہ رخ اور آریان جیل کی ملاقات میں بری طرح رو پڑے

این سی بی کی جانب سے گرفتاری کے بعد یہ پہلا موقع تھا کہ جب آریان خان نے خاندان کے کسی فرد سے ملاقات کی۔

انہوں نے لکھا کہ شاہ رخ خان اور ان کے بیٹے نے مودی سرکار کو حقیقی مسائل سے عوام کی توجہ ہٹانے کا بہانہ فراہم کردیا ہے، آج بھارت میں اگر کسی مسلمان پر کوئی الزام لگ جائے تو مشتعل ہجوم کا رد عمل نفرت انگیز اور متعصبانہ ہوتا ہے۔

برکھا دت کے مطابق  آج بھارت میں مسلمانوں اور اقلیتوں کے خلاف نفرت کا پرچار کرنیوالے خود کو طاقتور محسوس کرتے ہیں۔

واضح رہے کہ آریان خان کی ضمانت کی درخواست پر ممبئی ہائی کورٹ میں 26 اکتوبر بروز منگل کو سماعت ہوگی۔