24 اکتوبر ، 2021 
پاکستانی ٹیم نے ہم سب کا سرفخر سے بلندکردیا، آرمی چیف
24 اکتوبر ، 2021
آرمی چیف جنرل قمر جاوید باجوہ نے ٹی ٹوئنٹی ورلڈکپ میں بھارت کے خلاف پاکستان کرکٹ ٹیم کو شاندار فتح پر مبارک باد دی ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کی جانب سے جاری بیان کے مطابق آرمی چیف کا کہنا ہے کہ پاکستانی کرکٹ ٹیم نے ہم سب کا سر فخر سے بلند کردیا ہے۔
ڈی جی آئی ایس پی آر کے مطابق چیئرمین جوائنٹ چیفس آف اسٹاف کمیٹی نے بھی پاکستان کرکٹ ٹیم کو بھارت کے خلاف تاریخی فتح پر مبارک باد دی ہے۔
خیال رہے کہ آئی سی سی ٹی ٹوئنٹی ورلڈکپ کے سپر 12 مرحلے میں پاکستان نے بھارت کو یکطرفہ مقابلے کے بعد 10 وکٹوں سے شکست دے دی ہے۔
واضح رہے کہ پاکستان نے ٹی ٹوئنٹی ورلڈ کپ میں پہلی بار بھارت کو شکست دی ہے۔
