13 دسمبر ، 2021 
کراچی میں فائرنگ سے ڈی ایس پی زخمی
13 دسمبر ، 2021
کراچی کے علاقے گلستان جوہر میں فائرنگ کے ایک واقعہ میں ڈپٹی سپریٹنڈنٹ پولیس (ڈی ایس پی) غلام مرتضٰی راہو زخمی ہوگئے۔
سپریٹنڈنٹ پولیس گلشن اقبال ڈاکٹر عبدالخالق کے مطابق واقعہ شارع فیصل تھانے کی حدود گلستان جوہر میں پرفیوم چوک کے قریب پیش آیا۔
پولیس کے سیکورٹی زون 2 میں تعینات ڈی ایس پی غلام مرتضٰی راہو گلستان جوہر میں پرفیوم چوک کے قریب روفی گرین سٹی اپارٹمنٹس کے رہائشی ہیں۔
ڈی ایس پی سادہ کپڑوں میں اہل خانہ کے ہمراہ گھر سے نکلے ہی تھے کہ پرفیوم چوک پر موٹر سائیکل پر سوار ملزمان نے انہیں مبینہ طور پر لوٹنے کی کوشش کی اور مزاحمت کرنے پر فائرنگ کر دی۔
پولیس کے مطابق غلام مرتضٰی راہوں کو فوری طور پر قریب ہی واقع دارالصحت اسپتال منتقل کیا گیا۔
ڈاکٹرز کے مطابق غلام مرتضٰی راہو کو ٹانگ میں گولی لگی ہے اور ان کی حالت خطرے سے باہر ہے۔
پولیس ذرائع کے مطابق زخمی ڈی ایس پی سندھ کی سیاسی شخصیت اسماعیل راہو کے بہنوئی ہیں۔ انہین رواں سال 6 جنوری کو انسپکٹر سے ڈی ایس پی کے عہدے پر ترقی دی گئی۔
مزید خبریں :
سندھ حکومت کا سول کورٹ رولز میں ترمیم کا فیصلہ
1 گھنٹے پہلے
بیلاروس کے صدر 3 روزہ دورے پر اسلام آباد پہنچ گئے
6 گھنٹے پہلے
