کراچی اور اسلام آباد کے بعد لاہور میں بھی اومی کرون کا پہلا کیس رپورٹ

کراچی اور اسلام آباد کے بعد لاہور میں بھی کورونا کے اومی کرون وائرس کے پہلے مریض کی تصدیق ہوگئی۔

محکمہ صحت پنجاب کےمطابق لاہور میں اومی کرون وائرس میں مبتلا پہلے مریض کا تعلق بہارکالونی گلبرگ سے ہے اور اس کی ٹریول ہسٹری میں سندھ کا سفر شامل ہے۔

محکمہ صحت کا بتانا ہےکہ یہ مریض گھر پر ہی زیرعلاج ہے، مریض کی فیملی اور اس سے رابطے میں رہنے والے 12 افرادکے ٹیسٹ سیمپل لے لیے گئے ہیں اور  ٹیسٹ رپورٹیں آنے پر مزید حقائق سامنے آئیں گے۔

دوسری جانب گزشتہ 24 گھنٹوں میں پاکستان میں کورونا کے مثبت کیسز کی شرح 0.69 فیصدرہی۔

این سی اوسی کے مطابق 27 دسمبر کو ملک بھر میں 41ہزار869  کورونا ٹیسٹ کیےگئے جن میں 291 نئے کیسز سامنے آئے  جب کہ ملک بھر میں کورونا سے مزید 3 افرادانتقال کرگئے۔

اسلام آباد میں اومی کرون کا پہلا کیس سامنے آگیا

اومی کرون کے مریض کی صرف کراچی کی ٹریول ہسٹری ہے اور مریض کی حالت خطرے سے باہر ہے: ذرائع

اومی کرون ویرینٹ کراچی میں پھیل چکا ہے: ماہرین کا خدشہ

اگر مزید سیمپل لے کر اومی کرون ویرینٹ کی تشخیص کی جائے تو مزید کیس سامنے آئیں گے: ماہرین