اسپیکرقومی اسمبلی نے ثاقب نثار کی قائمہ کمیٹی کے سامنے طلبی کی مخالفت کردی

پاکستان کے ایوان زیریں (قومی اسمبلی) کے اسپیکر اسد قیصر نے سابق چیف جسٹس ثاقب نثار کی قائمہ کمیٹی برائے اطلاعات کے سامنے طلبی کی مخالفت کردی۔

قائمہ کمیٹی نے ثاقب نثار کو اجلاس میں طلب نہ کرنے کی حکومتی ایڈوائس مسترد کردی

قائمہ کمیٹی کے اجلاس کے ایجنڈے سے رانا شمیم اور ثاقب نثار کو بلانے کا معاملہ خارج کردیں، فواد چوہدری کا کمیٹی کو خط

اسپیکر قومی اسمبلی اسد قیصر نے چیئرمین کمیٹی میاں جاوید لطیف کو خط لکھا ہے جس میں کہا گیا ہے کہ معاملےکو ایجنڈے سے نکالیں تو کمیٹی کا اجلاس بلایا جا سکتا ہے۔

اسپیکرقومی اسمبلی کے مطابق ثاقب نثارکا شریف فیملی کےخلاف احکامات دینےکا معاملہ عدالت میں ہے لہٰذا چیئرمین قائمہ کمیٹی اطلاعات عدالت میں زیرالتوا معاملے کو زیربحث نہ لائی۔

خیال رہے کہ وفاقی وزیر اطلاعات فواد چوہدری پہلے ہی ثاقب نثارکوکمیٹی میں بلانےکی مخالفت کر چکے ہیں۔