18 فروری ، 2022 
کرکٹر احسان عادل کی بہن ہاکی پلیئر افشاں نورین رضوان کی فین نکلیں
18 فروری ، 2022
ٹیسٹ کرکٹر احسان عادل کی بہن اور قومی ہاکی ٹیم کی کھلاڑی افشاں نورین کرکٹر محمد رضوان کی فین نکلیں۔
پاکستان سپر لیگ (پی ایس ایل) 7 کا قذافی اسٹیڈیم لاہور میں ملتان سلطانز اور کوئٹہ گلیڈی ایٹرز کے درمیان ہونے والے میچ کے موقع پر گفتگو کرتے ہوئے انٹرنیشنل ہاکی پلیئر افشاں نورین نے کہا کہ آج میں پہلی بار کرکٹ میچ دیکھنے آئی ہوں، مجھے اس بات کی خوشی ہے کہ انٹرنیشنل کھلاڑی لیگ کا حصہ ہیں۔
انہوں نے کہا کہ میچ سے لطف اندوز تو رہی ہوں لیکن میری خواہش تھی کہ میں اپنے بھائی کو کھیلتا ہوا دیکھوں کیونکہ میرا بھائی احسان عادل سے وعدہ تھا کہ میں ان کے ساتھ ہی میچ دیکھوں گی۔
افشاں کا کہنا تھاکہ آج مجھے ’ہمارے ہیروز‘ کے سلسلے میں اسٹیڈیم آنا پڑا تو احسان عادل نے کہا کہ افشاں آج تم وعدہ توڑ رہی ہو لیکن مجھے اسٹیڈیم آنا تھا تو بھائی کی کمی محسوس کررہی ہوں، کاش وہ بھی کھیل رہے ہوتے۔
ان کا کہنا تھا کہ جس طرح کرکٹ کو فروغ دیا جا رہا ہے، امید ہے ہاکی بھی اسی طرح بحال ہوگی، ہاکی ہمارا قومی کھیل ہے اور ہمارے وزیر اعظم خود ایک کھلاڑی ہیں لہٰذا انھیں چاہیے کہ وہ ہاکی کو بھی فروغ دیں۔
اپنے پسندیدہ کرکٹر کے حوالے سے افشاں نورین نے بتایا کہ محمد رضوان پسندیدہ کھلاڑی ہیں اور میری خواہش ہے میں ان سے ملاقات کروں، میں ان کی مداح ہوں اور وہ گراؤنڈ میں جس طرح سب سنبھالتے ہیں میں ان سے سیکھنا چاہتی ہوں۔
مزید خبریں :
کراچی پریمیئر لیگ ملیر ڈولفنز نے جیت لی
3 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
