05 اپریل ، 2022 
پاکستان
پاکستان میں ہر بچے کی صحت اور بہبود کے تحفظ کیلئے آپ کے عزم کو سراہتا ہوں، شریک چیئرمین بل اینڈ میلنڈا گیٹس فاؤنڈیشن— فوٹو: فائل
بل گیٹس کی جانب سے صدر عارف علوی کے نام خط
05 اپریل ، 2022
بل اینڈ میلنڈا گیٹس فاؤنڈیشن کے شریک چیئرمین بل گیٹس کی جانب سے صدر عارف علوی کے نام خط لکھا گیا ہے۔
خط میں بل گیٹس نے لکھا ہے کہ میرے لیے ہلال پاکستان حاصل کرنا اعزاز کی بات ہے ، پاکستان میں ہر بچے کی صحت اور بہبود کے تحفظ کیلئے آپ کے عزم کو سراہتا ہوں۔
بل گیٹس نے خط میں مزید لکھا کہ پاکستان نے پولیو وائرس کے خلاف جنگ میں قابل ذکر پیش رفت کی ہے، ایک سال سے زائد عرصے سے پاکستان میں کوئی نیا کیس رپورٹ نہیں ہوا ، پولیو پر پاکستان کی مسلسل کاوش ملک کی ترقی کو تیز کرنے کیلئے معاون ثابت ہوگی۔
بل گیٹس نے مزید کہا کہ مشترکہ دلچسپی کے دیگر مسائل سے نمٹنے کیلئے حکومتِ پاکستان سے شراکت کا منتظر ہوں۔
