13 مئی ، 2022 
ڈپٹی اسپیکرکیخلاف عدم اعتماد، پنجاب اسمبلی کے اجلاس کی تاریخ تبدیل کردی گئی
13 مئی ، 2022
پنجاب اسمبلی کے 16 مئی کو ہونے والے اجلاس کی تاریخ تبدیل کردی گئی۔
نوٹیفکیشن کے مطابق پنجاب اسمبلی کا اجلاس اب 30 مئی دوپہر ایک بجے طلب کیا گیا ہے۔
اجلاس کی تاریخ تبدیل ہونے سے ڈپٹی اسپیکر دوست محمد مزاری کے خلاف تحریک عدم اعتمادکی کارروائی التوا کا شکار ہے۔ ذرائع کے مطابق 16 مئی کو اسمبلی اجلاس میں ڈپٹی اسپیکرکے خلاف تحریک عدم اعتماد پیش ہونا تھی۔
پی ٹی آئی اور ق لیگ نے 6 اپریل کو ڈپٹی اسپیکر کے خلاف تحریک عدم اعتماد جمع کرائی تھی، ایک ماہ سے زائد عرصہ گزرنے کے باوجود تحریک عدم اعتماد پر کارروائی نہیں ہوسکی۔
ڈپٹی اسپیکرکےخلاف عدم اعتمادپرکارروائی کے بعد اسپیکرپرویزالٰہی کےخلاف تحریک عدم اعتماد پرکارروائی ہوناہے۔
مسلم لیگ ن نے7 اپریل کواسپیکرکےخلاف تحریک عدم اعتماد جمع کرائی تھی۔
