15 نومبر ، 2012 
انتخابات قریب آتے ہی مسائل جنم لینے لگتے ہیں، امین فہیم
15 نومبر ، 2012
اسلام آباد…وفاقی وزیر تجارت مخدوم امین فہیم نے کہاہے کہ الیکشن قریب آتے ہی مسائل جنم لینا شروع ہوجاتے ہیں، حکومت بلوچستان اورکراچی میں امن قائم کرنے کے لیے دن رات کوشاں ہے۔ جمعرات کے روز پارلیمنٹ ہاؤس کے باہر میڈیا سے بات چیت کرتے ہوئے وفاقی وزیر مخدوم امین فہیم نے کہاکہ کراچی اور بلوچستان کے مسائل کو حل کرنے کے لیے حکومت اپنی تمام سیاسی جماعتوں کے ساتھ دن رات بات چیت کررہی ہے اس کاجلد حل نکل آئیگا حکومت کو عوام کااحساس ہے اگروہاں انسان مر رہاہے توحکومت میں بھی انسا ن ہیں لیکن جب الیکشن قریب آتے ہیں تو ایسے مسائل جنم لیتے ہیں، حکومت ان مسائل کوحل کرانے کے لیے دن رات کوشاں ہے اس کا جلد سے جلد حل نکل آئیگا ۔ ایک سوال کے جواب میں مخدوم امین فہیم نے کہاکہ آصف علی زرداری صدرکے علاوہ ایک پارٹی کے سربراہ بھی ہیں ان کواپنے کام سے کوئی نہیں روک سکتا ہے کیونکہ انہوں نے دونوں عہدوں کواچھی طرح دیکھنا ہوتاہے لیکن صدر کا عہدہ سیاسی کاموں کے لیے استعمال نہیں کرینگے۔
مزید خبریں :
