کراچی …سپریم کورٹ بارکے نومنتخب صدرمیاں اسرارالحق نے خورشیدبیگم سیکریٹریٹ عزیزآبادکراچی کادورہ کرکے ایم کیوایم کی رابطہ کمیٹی کے ڈپٹی کنوینرووفاقی ڈاکٹرمحمد فاروق ستاراوراراکین رابطہ سیدشعیب احمدبخاری ایڈووکیٹ،کنورخالدیونس،شاہدلطیف اورگلفرازخان خٹک سے ملاقات کی اورایم کیوایم کی جانب سے بھرپورحمایت کرنے پرالطاف حسین اورایم کیوایم کاشکریہ اداکیا۔خورشیدبیگم سیکریٹریٹ عزیزآبادمیں ہونیوالی ملاقات انتہائی خوشگوار رہی۔ جس میں ملک کی مجموعی خصوصاًسندھ اورکراچی کی صورتحال سمیت باہمی دلچسپی کے دیگرامورپرتبادلہ خیال کیاگیا۔ ڈاکٹرمحمدفاروق ستارنے میاں اسرارالحق کو ایم کیوایم کے فکروفلسفے اور عملی جدوجہدسے آگاہی فراہم کی کہاکہ ایم کیوایم کاپیغام حق پرستی ملک کے گوشے گوشے میں پھیل رہاہے اورعوام ایم کیوایم کے پرچم تلے متحدومنظم ہورہے ہیں۔ میاں اسرارالحق نے ایم کیوایم کے فکروفلسفے اورعملی جدوجہدکی تعریف کرتے ہوئے کہاکہ ایم کیوایم نے غریب ومتوسطہ طبقے سے تعلق رکھنے والے پڑے لکھے افرادکوایوانوں میں منتخب کرواکربھیجاہے۔ انہوں نے کراچی میں بدامنی کی صورتحال پرتشویش کااظہارکیااورکہاکہ کراچی کانقصان پاکستان کانقصان ہے لہٰذاحکومت حالات کوبہتربنانیکے لیے موثراقدامات کرے۔اس موقع پرمتحدہ لائزفورم کے انچارج ضمیراحمدایڈووکیٹ ،جوائنٹ انچارج مقیم عالم اوردیگربھی عہدیداران بھی موجودتھے۔بعدازاں ایم کیوایم کی رابطہ کمیٹی کے اراکین نے صدرمیاں اسرارالحق کوقائد تحریک کی سوانح عمر ی پر مبنی کتاب پکٹوریل بائیو گرافی بھی پیش کی ۔