17 جولائی ، 2022 
بھارتی مسافروں کو لینے دوسرا طیارا کراچی پہنچ گیا
17 جولائی ، 2022
جناح انٹرنیشنل ائیر پورٹ پر ہنگامی لینڈنگ کرنے والے بھارتی طیارے کے مسافروں کو لینے کے لیے دوسرا طیارا کراچی پہنچ گیا۔
سول ایوی ایشن ذرائع کے مطابق انڈیگو ائیر کی پرواز 6E9001 احمد آباد سے کراچی پہنچی ہے۔
ذرائع کا بتانا ہے کہ شارجہ سے حیدر آباد دکن کی پرواز 6E1406 کے مسافر متبادل پرواز سے روانہ ہوں گے۔
خیال رہے کہ بھارت کی نجی ائیر لائن کا طیارا شارجہ سے حیدرآباد دکن جا رہا تھا کہ اس دوران طیارے میں تکنیکی خرابی پیدا ہو گئی جس پر کپتان نے کراچی ائیر پورٹ پر ہنگامی لینڈنگ کی اجازت مانگی۔
ذرائع کے مطابق بھارتی نجی ائیرلائن کے طیارے کے کپتان نے رات 2 بج کر 20 منٹ پر طیارے کو بحفاظت لینڈ کرایا، فنی خرابی کا شکار ہونے والا بھارتی طیارہ ائیربس 320 ہے جس میں 180 مسافر سوار ہیں۔
