18 جولائی ، 2022 
پاکستان
جسٹس اعجازالاحسن کی سربراہی میں تین رکنی بینچ کوکل کیس کی سماعت کرناتھی— فوٹو: فائل
سپریم کورٹ: پی ٹی آئی کے منحرف ارکان قومی اسمبلی کو ڈی سیٹ کرنے سے متعلق کیس ڈی لسٹ
18 جولائی ، 2022
سپریم کورٹ میں تحریک انصاف کے منحرف ارکان قومی اسمبلی کو ڈی سیٹ کرنے سے متعلق کیس ڈی لسٹ کر دیا گیا۔
سپریم کورٹ میں تحریک انصاف کے منحرف ارکان قومی اسمبلی کو ڈی سیٹ کرنے سے متعلق کیس ڈی لسٹ ہونے کا نوٹس جاری کر دیا گیا۔
بینچ کی عدم دستیابی کے باعث کیس ڈی لسٹ کیا گیا۔
جسٹس اعجاز الاحسن کی سربراہی میں تین رکنی بنچ نے کل کیس کی سماعت کرنا تھی، جسٹس منیب اختر اور جسٹس مظاہر علی اکبر نقوی بینچ میں شامل تھے۔
تحریک انصاف نے منحرف ارکان قومی اسمبلی کے خلاف درخواستیں دائر کر رکھی ہیں۔
الیکشن کمیشن نے پی ٹی آئی کے منحرف اراکین قومی اسمبلی کو ڈی سیٹ کرنے کی درخواست مسترد کی تھی جس کے خلاف درخواست دائر کی گئی۔
