21 جولائی ، 2022 
پنجاب اسمبلی میں پولیس تعینات کی جائے، ڈپٹی اسپیکرکا چیف سیکرٹری اور آئی جی کو خط
21 جولائی ، 2022
پنجاب اسمبلی میں کل ہونے والے وزیراعلیٰ پنجاب کے الیکشن کے لیے ڈپٹی اسپیکر دوست مزاری نے چیف سیکرٹری اور آئی جی پنجاب کو خط لکھ کر سکیورٹی فراہم کرنےکا مطالبہ کردیا۔
خط میں کہا گیا ہےکہ پنجاب اسمبلی کی حدود اور ایوان میں بھی پولیس تعینات کی جائے، مجھے 22 جولائی کو وزیراعلیٰ کے انتخاب کا سکینڈ پول کرانا ہے۔
ڈپٹی اسپیکر نے خط میں کہا ہےکہ تمام سکیورٹی انتظامات یقنی بنائے جائیں تاکہ سپریم کورٹ کے حکم کے مطابق وزیراعلیٰ کا انتخاب کراسکوں۔
پولیس حکام کے مطابق ڈپٹی اسپیکر کے مراسلے کے بعد سکیورٹی پلان مرتب کرلیا ہے، سکیورٹی کے لیے پنجاب اسمبلی کے اندر اور باہر 1400 سے زائد اہلکار تعینات ہوں گے۔
پنجاب پولیس کے مطابق اجلاس میں اہلکاروں کی تعیناتی کا مقصد وزیراعلیٰ کے الیکشن کو پر امن بنانا ہے، الیکشن کو پر امن بنانے اور ممبران کے تحفظ کے لیے اہلکاروں کو تعینات کیا جا رہا ہے۔
