پاکستان
18 فروری ، 2012
18 فروری ، 2012 
ن لیگ کے زیر اہتمام توانائی کانفرنس 20 فروری کو ہو گی
18 فروری ، 2012
اسلام آباد … پاکستان مسلم لیگ ن کے زیر اہتمام 20 فروری کو اسلام آباد میں توانائی کانفرنس منعقد کی جا رہی ہے جس کی صدارت نواز شریف کریں گے۔ کانفرنس کی تیاریوں کو حتمی شکل دینے کیلئے ن لیگ کے سینئر نائب صدر سرتاج عزیز کی زیر صدارت پارٹی کے مرکزی سیکرٹریٹ میں اجلاس ہوا جس میں کانفرنس کیلئے قائم کیے گئے خصوصی ورکنگ گروپ کے کوآرڈی نیٹر عاصم خان نے انتظامات پر بریفنگ دی۔ عاصم خان نے میڈیا کو بتایا کہ توانائی کانفرنس میں دنیا بھر سے 70 سے زائد ماہرین، ملک کے ممتازصنعت کار، محقق، ارکان پارلیمنٹ اور ممتاز شخصیات شرکت کریں گی۔ وزیر اعلیٰ پنجاب صوبے میں توانائی کے شعبے میں کیے گئے اقدامات اور درپیش چیلنجز کے بارے میں بریفنگ دیں گے۔
مزید خبریں :
