14 اگست ، 2022 
اسلامی یکجہتی گیمز :پاکستان کی 2 سوئمرز 100 میٹر فری اسٹائل کے فائنل میں پہنچ گئیں
14 اگست ، 2022
اسلامی یکجہتی گیمز کے سوئمنگ مقابلے میں پاکستان کی بسمہ خان اور جہاں آرا نبی نے 100 میٹر فری اسٹائل کے فائنل کیلئے کوالیفائی کرلیا۔
سیمی فائنل میں جہاں آرا نبی ایک منٹ دو عشاریہ ایک ،ایک سیکنڈز کی ٹائمنگ کے ساتھ ساتویں نمبر پر رہیں۔
دوسری جانب بسمہ خان کی سیمی فائنل میں ٹائمنگ ایک منٹ دو عشاریہ پانچ نو سیکنڈز رہی، انہوں نے آٹھویں پوزیشن لی۔
دونوں پاکستانی پلیئرز کل 100میٹر فری اسٹائل کے فائنل میں رات آٹھ بجے ایکشن میں ہوں گی۔
دوسری جانب خواتین کی 100 میٹر بیک اسٹروک میں پاکستان کی فاطمہ عدنان لوٹیا نے فائنل کیلئے کوالیفائی کیا مگر فائنل میں ان کی پوزیشن آٹھویں رہی ۔
سیمی فائنل میں فاطمہ کی ٹائمنگ ایک منٹ 18 عشاریہ سات آٹھ رہی جبکہ فائنل میں انہوں نے 100 میٹر بیک اسٹروک ایک منٹ 19 عشاریہ صفر آٹھ کی ٹائمنگ کے ساتھ مکمل کیا۔
