کراچی…کراچی میں بلوچ کالونی سے کورنگی جانے والے ٹریک پر باراتیوں سے بھری مسافر بس ہیوی ٹریفک کے داخلہ روکنے کے لئے قائم بیرئیر سے ٹکرا گئی جس کے نتیجے میں ایک شخص خاتون، دو بچے سمیت چار افرادجاں بحق جبکہ متعدد افراد زخمی ہو گئے جنہیں طبی امداد کے لئے اسپتال منتقل کر دیا گیا ہے ،شدید زخمیوں میں بس کا ڈرائیور بھی شامل ہے ،حادثے کے وقت بس میں50 سے زائد افراد سوار تھے ۔ ریسکیو ذرائع کے مطابق بلوچ کالونی سے کورنگی جانے والے ٹریک پر باراتیوں سے بھری ایک مسافر بس ہیوی ٹریفک کو داخلہ ہونے سے روکنے کے لئے قائم اوور ہیڈ بیرئیر سے ٹکرا گئی۔ ٹکر کے نتیجے میں بیرئیر کا ایک حصہ مسافربس پر گر گیا اوربس درمیان سے مکمل طورپر بچک گئی۔ حادثہ کے نتیجے میں ایک شخص جان بحق جبکہ خاتون سمیت رکن سندھ اسمبلی عامر معین پیرزادہ نے جائے حادثہ پر جیو نیوز سے گفتگو کرتے ہوئے بتایا کہ حادثہ کے نتیجے میں خاتون، بزرگ اور دو بچے سمیت چار افراد جاں بحق جبکہ متعدد افراد زخمی ہو گئے جنھیں طبعی امداد کے لئے جناح اسپتال منتقل کیا گیا ہے۔ عینی شاہدین کا کہنا ہے کہ بس اندھیرے کے باعث اوور ہیڈ بیرئیر کو دیکھ نہیں سکی اور حادثہ پیش آیا۔