04 ستمبر ، 2022 
پاکستان
شاہنواز دھانی کی انگریزی کے سوشل میڈیا پر چرچے
04 ستمبر ، 2022
قومی کرکٹ ٹیم کے فاسٹ بالر شاہنواز دھانی کی انگریزی کے سوشل میڈیا پر خوب چرچے ہو رہے ہیں۔
جمعےکو شارجہ میں ہانگ کانگ کے خلاف ایشیا کپ ٹی ٹوئنٹی کےگروپ میچ سے قبل شاہنواز دھانی نے میزبان سے انگریزی میں گفتگو کی تھی۔
شاہنواز دھانی کا کہنا تھا کہ بھارت کے خلاف ان کا پہلا میچ تھا، ایک نوجوان کھلاڑی کے لیے بڑے اسٹارز کے ساتھ کھیلنا آسان نہیں ہوتا۔
شاہنواز دھانی نے ہانگ کانگ کو اچھی ٹیم قرار دیتے ہوئےکہا تھا کہ ہم اپنی پوری کوشش کریں گے، انشاءاللہ ہم ہی جیتیں گے اور سپر فور میں جائیں گے۔
نوجوان فاسٹ بالر کی جانب سے پراعتماد گفتگو پر شائقین کرکٹ انہیں داد دیے بغیر نہیں رہ سکے اور سوشل میڈیا پر ان کی خوب تعریفیں کی جارہی ہیں۔
