Election 2024 Election 2024

پاکستان
Time 11 ستمبر ، 2022

عمران خان سے سابق خاتون امریکی سفارت کار رابن رافیل کی ملاقات

سابق وزیراعظم و پاکستان تحریک انصاف کے چیئرمین عمران خان سے سابق خاتون امریکی سفارت کار رابن رافیل  نے ملاقات کی ہے۔

ذرائع کے مطابق عمران خان سے رابن رافیل کی ملاقات بنی گالا میں ہوئی جس میں سینیٹر شہزاد وسیم بھی موجود تھے۔

ذرائع کا کہنا ہے کہ رابن رافیل امریکاکی سابق سفارتکار اور سی آئی اے تجزیہ کار اور لابیسٹ ہیں اور وہ 1993 میں اسسٹنٹ سیکرٹری آف اسٹیٹ جنوبی و سطی ایشیائی امور تھیں۔

ذرائع کے مطابق فواد چوہدری بھی پاکستان میں امریکی سفیر ڈونلڈ بلوم سے ملاقات کر چکے ہیں اور ان کی ملاقات 8 ستمبر کو امریکی سفارت خانہ میں ہوئی تھی۔

جیو نیوز  نے سینیٹرشہزادوسیم اورفوادچوہدری کا مؤقف لینے کی کوشش کی لیکن رابطہ نہ ہو سکا۔

مزید خبریں :