عمران خان کا تخت بھائی جلسے سے متعلق عوام کے نام پیغام
12 اکتوبر ، 2022
چیئرمین پاکستان تحریک انصاف عمران خان نے تخت بھائی میں بروز جمعرات 13 اکتوبر کو ہونے والے جلسے کے حوالے سے عوام کے نام ایک پیغام جاری کیا ہے۔
چیئرمین تحریک انصاف عمران خان نے اپنے پیغام میں کہا کہ جمعرات کو دوپہر 3 بجے تخت بھائی میں جلسہ کرنے آ رہا ہوں، جلسہ ضمنی انتخاب کے سلسلے میں کیا جا رہا ہے، عوام کو شرکت کی دعوت دیتا ہوں۔
عمران خان کا مزید کہنا ہے کہ جلسے میں ضمنی انتخاب اور حقیقی آزادی کی جدوجہد سے متعلق گفتگو کروں گا، ان شاء اللہ تخت بھائی میں آپ سے ملاقات ہو گی۔
دوسری جانب پی ٹی آئی رہنما علی محمد خان نے اپنے ایک بیان میں کہا ہے کہ 16 اور 23 اکتوبر کو ضمنی اور بلدیاتی انتخابات ہو رہے ہیں، ہو سکتا ہے کہ لانگ مارچ کی تاریخ اکتوبر کے آخر تک چلی جائے۔
