25 اکتوبر ، 2022 
روہت اور کوہلی نے نیٹ سیشنز میں کس پاکستانی بولر کا سامنا کیا اور اس کی تعریف کی؟
25 اکتوبر ، 2022
بھارتی بیٹرز نیٹ پر پاکستانی فاسٹ بولر محمد عرفان جونیئر کا سامنا کرنے کے بعد ان کی تعریف کیے بنا نہ رہ سکے۔
بھارتی ٹیم نے فاسٹ بولر محمد عرفان جونیئر کا سڈنی کرکٹ گراؤنڈ میں نیٹ سیشننز پر سامنا کیا، محمد عرفان ان دنوں سڈنی میں ہیں اور ویسٹرن سبرب ڈسٹرکٹ کی جانب سے کھیل رہے ہیں۔
نیٹ سیشنز میں سامنا کرنے کے بعد بھارتی کپتان روہت شرما اور ویرات کوہلی نے محمد عرفان جونیئر کی فاسٹ بولنگ کی تعریف کی اور روہت نے عرفان جونیئر کو زیادہ بولنگ کرنے کا کہا۔
عرفان جونیئر کا کہنا ہے کہ نیٹ پر بہت اچھی بولنگ ہوئی ہے، مکمل ردہم میں ہوں، روہت شرما اور ویرات کوہلی نے بہت تعریف کی اچھا لگا، کل بھی نیٹ سیشن میں شرکت کروں گا۔
واضح رہے کہ فاسٹ بولر محمد عرفان جونیئر لاہور قلندرز کی جانب سے پاکستان سپر لیگ بھی کھیل چکے ہیں۔
فرسٹ کلاس سیزن سے قبل محمد عرفان جونیئر فٹنس مسائل سے دوچار ہو گئے تھے اور فٹ ہونے کے بعد کسی ٹیم میں شامل نہ ہونے پر آسٹریلیا چلے گئے تھے۔
خیال رہے کہ بھارتی کرکٹ ٹیم کا اگلا میچ سڈنی کرکٹ گراؤنڈ میں زمبابوےکے خلاف ہے۔
