27 اکتوبر ، 2022 
کھیل
فرنچائز کے نمائندوں نے مالی معاملات اور دیگر لیگز سے معاہدے ختم کرنے پر بات کی ہے: آسٹریلوی میڈیا/ فائل فوٹو
آئی پی ایل: بھارتی فرنچائزز کا آسٹریلوی کرکٹرز سے رابطہ
27 اکتوبر ، 2022
بھارتی فرنچائزز نے آسٹریلوی کرکٹرز سے انڈین پریمئیر لیگ کے لیے معاہدے کے سلسلے میں غیر رسمی بات چیت شروع کردی۔
آسٹریلوی میڈیا کے مطابق فرنچائز کے نمائندوں نے مالی معاملات اور دیگر لیگز سے معاہدے ختم کرنے پر بات کی ہے۔
آسٹریلوی میڈیا کی جانب سے یہ بھی بتایا گیا ہے کہ ایک معروف کرکٹر کے ساتھ 5 ملین آسٹریلوی ڈالرز کے معاہدے کی بات ہوئی، یہ رقم آسٹریلوی کپتان پیٹ کمنز کو ون ڈے اور ٹیسٹ کے کپتان کی حیثیت سے ملنے والی رقم سے دگنی ہے۔
میڈیا رپورٹس میں مزید بتایا گیا ہے کہ اسی سلسلے میں ڈیوڈ وارنر ، پیٹ کمنز اور گلین میکسویل سے بات چیت کا امکان ہے جب کہ ایک سالہ معاہدے کے تحت فرنچائزز اپنی ملکیت کی دیگر لیگز کی ٹیموں میں کھلا سکیں گی۔
