05 نومبر ، 2022 
پشاور: خاتون کا پولیس پر جرمن شیفرڈ کتا چوری کرنےکا الزام
05 نومبر ، 2022
پشاور میں خاتون نے پولیس پر جرمن شیفرڈ کتا چوری کرنے کا الزام عائد کردیا۔
پشاور کے علاقہ گل بہار کی رہائشی خاتون توحید جلال نے ایس پی سٹی عبدالسلام کو درخواست دی ہے جس میں الزام عائدکیا گیا ہےکہ گل بہار کے ایس ایچ او رفیق خان کانسٹیبل شوکت و دیگر نے اس کےگھر پر چھاپےکے دوران پالتو کتےکو اٹھالیا ہے ۔
خاتون کے مطابق پالتو کتے پر مائیکرو چپ بھی لگی ہوئی ہے، جرمن شیفرڈ کتا 5 ماہ کا بچہ ہے جسےگھر کی تلاشی کےدوران پولیس اہلکاروں نے چوری کرلیا ہے۔
خاتون کا کہنا ہےکہ ان کے بچے، پالتو کتے کی یاد میں روتے ہیں ، پولیس افسران کتےکو بازیاب کراکے ملوث پولیس اہلکاروں کے خلاف کاروائی کریں۔
ایس پی سٹی عبدالسلام کا کہنا ہے کہ معاملہ ان کے علم میں ہے اور اس معاملےکی پولیس انکوائری کر رہی ہے۔
