11 نومبر ، 2022 
ٹی وی پر لوگوں کو اسی چیز کے پیسے دیے جاتے ہیں: شاہین کا تنقید پر ردعمل
11 نومبر ، 2022
فاسٹ بولر شاہین شاہ آفریدی نے ٹی ٹوئنٹی ورلڈکپ کے دوران ٹیم کی شکست کے بعد کپتان سمیت ان کی فٹنس پر کی جانے والی تنقید پر بات کی ہے۔
سوشل میڈیا پر شاہین شاہ آفریدی کی ایک انٹرویو ویڈیو وائرل ہورہی ہے جس میں شاہین کو صحافی کے سوال کے جواب میں تنقید پر ردعمل کاا ظہار کرتے دیکھا جاسکتا ہے۔
نجی میڈیا سے گفتگو کے دوران شاہین شاہ آفریدی نے تنقید پر لاعلمی کااظہار کرتے ہوئے کہا کہ مجھے نہیں پتا گروپ میچز میں شکست کے بعد ہم پر تنقید ہوئی لیکن جب لوگ ٹی وی پر بیٹھتے ہیں تو ظاہر سی بات ہے کہ ان کی بھی ایک جاب ہے انہیں اسی چیز کے پیسے دیے جاتے ہیں۔
شاہین شاہ کا کہنا تھا خیر ہے ان لوگوں کو بھی ہماری فتح کو انجوائے کرنا چاہیے ہم بھی یہی کررہے ہں۔
واضح رہے کہ ٹی ٹوئنٹی ورلڈکپ کے آغاز میں گرین شرٹس کی لگاتار دو شکست کےبعد کپتان بابر اعظم سمیت ٹیم کے کھلاڑیوں کو خاصی تنقید کا نشانہ بنایا جارہا تھا۔
مزید برآں شاہین کی فٹنس پر بھی سوالات اٹھائے گئے تھے تاہم اس کے بعد پاکستان ٹیم کی شاندار پرفارمنس پر اگر مگر کا شکار ٹیم کے لیے فائنل تک کی راہ آسان ہوگئی۔
ورلڈ کپ کا فائنل اتوار کو پاکستان اور انگلینڈ کی ٹیموں کے درمیان کھیلا جائے گا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
