راولپنڈی کی پچ نے بیٹرز کو مدد دی، یہ میرے کیریئر کا بہترین میچ تھا: اسٹوکس

انگلینڈ کے کپتان بین اسٹوکس کا کہنا ہے کہ ٹیسٹ کرکٹ جارحانہ انداز میں کھیلی جائے تو دلچسپ ہوجاتی ہے، راولپنڈی کی پچ نے بیٹرز کو مدد دی، ہم چاہتے تھے کہ پاکستان کو  یقین دلائیں کہ وہ ٹارگٹ حاصل کرسکتےہیں، یہ ٹیسٹ میرے کیریئر کا بہترین میچ تھا۔

پنڈی پِچ کی تیاری میں رائے شامل تھی لیکن جیسی وکٹ چاہتے تھے نہیں مل پائی: بابر

شاہین کی کمی محسوس ہوئی، حارث کی انجری سنجیدہ نوعیت کی ہے، معلوم وہ ملتان ٹیسٹ میں دستیاب ہوں گے یا نہیں: قومی کپتان

راولپنڈی ٹیسٹ میں کامیابی کےبعد انگلش کپتان نے پریس کانفرنس میں کہا کہ ٹیسٹ کرکٹ جارحانہ انداز سے کھیلی جائے تو دلچسپ ہوجاتی ہے، راولپنڈی کی پچ نے بیٹرز کو مدد دی، پچ پر نہ گیند سوئنگ ہوئی نہ سیم ہوئی۔

بین اسٹوکس نے کہا کہ وہ چاہتے تھےکہ پاکستان کو یقین دلائیں کہ ٹارگٹ حاصل کیا جاسکتا ہے،  پھر چوتھے دن پاکستان کی دو وکٹیں لینا فائدہ مند رہا۔

انہوں نے کہا کہ راولپنڈی ٹیسٹ ان کے کیریئر کا ایک بہترین میچ تھا، ایسی پچ پر میچ جیتنا بہت اسپیشل تھا، وہ دورہ پاکستان میں ہر دن کو جیتنا چاہتےہیں۔