11 دسمبر ، 2022 
پاکستان
کچھ دن قبل نامعلوم افراد کی جانب سے حاجی جاوید کو بھتے کی کال موصول ہوئی تھی: پولیس— فوٹو:فائل
پشاور میں سابق صوبائی وزیر کے گھر پر دستی بم حملہ
11 دسمبر ، 2022
پشاور میں سابق صوبائی وزیر حاجی جاوید کے گھر پر دستی بم حملہ ہوا ہے۔
پولیس کے مطابق گلبہار نمبر 4 میں نامعلوم افراد سابق صوبائی وزیر حاجی جاوید کے گھر پر دستی پھینک کر فرار ہوئے۔
پولیس نے بتایا کہ دستی بم حملے میں جانی نقصان نہیں ہوا۔
پولیس کے مطابق کچھ دن قبل نامعلوم افراد کی جانب سے بھتے کی کال موصول ہوئی تھی جس سے متعلق حاجی جاوید نے پولیس کو آگاہ کیا تھا۔
پولیس اور بم ڈسپوزل اسکواڈ نے جائے وقوعہ کا جائزہ لیکر تفتیش شروع کردی ہے۔
