پیروں میں جلن کا باعث بننے والی وجوہات

ویسے تو پیروں میں تکلیف کافی عام مسئلہ ہے مگر کئی بار درد کے ساتھ جلن کا احساس بھی ہوتا ہے۔

جلن کی یہ شدت متعدل سے سنگین ہو سکتی ہے اور عموماً رات کو یہ احساس زیادہ بدتر ہوتا ہے۔

پیروں میں جلن کی متعدد وجوہات ہو سکتی ہیں اور علاج کا انحصار بھی وجہ پر مبنی ہوتا ہے۔

تو وہ وجوہات جانیں جو پیروں میں جلن کے احساس کی وجہ بن سکتی ہیں۔

کیا اکثر پیر سوج جاتے ہیں؟ تو اس کی وجوہات جانیں

اس کا سامنا بار بار ہو یا اس تکلیف میں کمی نہ آئے تو پھر ہوسکتا ہے کہ پیروں کی یہ سوجن دیگر امراض کی جانب سے اشارہ کر رہی ہو۔

ذیابیطس

کئی بار پیروں میں جلن کی وجہ جسم میں ہائی بلڈ شوگر ہوتی ہے۔

جب جسم میں بلڈ شوگر کی سطح مسلسل زیادہ رہے تو ہاتھوں اور پیروں کے اعصاب کو نقصان پہنچتا ہے جس کے باعث کبھی کبھار یا اکثر جلن کا احساس بھی ہوتا ہے۔

اگر پیروں میں جلن کے ساتھ ساتھ انگلیوں میں سوئیاں چبھنے یا سنسناہٹ جیسے احساسات ہوں تو ڈاکٹر سے رجوع کرکے شوگر ٹیسٹ کرانا چاہیے۔

ایڑی میں اکثر درد کا سامنا ہوتا ہے؟ تو اس کی وجہ جان لیں

ہمارے پیر میں 26 ہڈیاں، 33 جوڑ اور 100 سے زائد پٹھے ہوتے ہیں اور ایڑی پیر کی سب سے بڑی ہڈی ہے۔

اعصاب کو نقصان پہنچنا

ریڑھ کی ہڈی سے ہاتھوں، ٹانگوں اور پیروں کو جوڑنے والے اعصاب کو نقصان پہنچنے پر بھی پیروں میں جلن کا احساس ہوتا ہے۔

ذیابیطس کا ذکر تو اوپر ہوچکا ہے مگر اعصاب کو مختلف وجوہات سے نقصان پہنچ سکتا ہے جیسے گردوں کے مسائل، جوڑوں کے امراض، زہریلے کیمیکلز، انفیکشن اور غذائی مسائل سے بھی اعصاب کو نقصان پہنچ سکتا ہے۔

فنگل انفیکشن

9 عام عادات یا چیزیں جن سے گردوں کے امراض کا خطرہ بڑھتا ہے

دنیا بھر میں ہر 10 میں سے ایک فرد کو گردوں کے دائمی امراض کا سامنا ہوتا ہے ۔

پیروں میں فنگل انفیکشن کافی عام ہوتا ہے اور اس کے نتیجے میں چبھن اور خارش کا سامنا ہوتا ہے، مگر پیروں میں جلن بھی محسوس ہوتی ہے۔

وٹامن بی 12 کی کمی

اعصاب کو صحت مند رہنے کے لیے وٹامن بی 12 کی ضرورت ہوتی ہے اور اس کی کمی کے باعث پیروں کے مسائل کا سامنا ہوتا ہے جیسے اکثر جلن کی شکایت ہوتی ہے۔

عام طور پر وٹامن بی 12 گائے کے گوشت، انڈوں، دودھ اور پنیر وغیرہ میں کافی زیادہ مقدار میں ہوتا ہے۔

دماغ کو جوان رکھنے میں مددگار بہترین مشروبات

ان مشروبات کے بارے میں جانیں جو دماغ کے لیے بہت زیادہ مفید ہوتے ہیں۔

گردوں کے امراض

ہائی بلڈ پریشر یا ذیابیطس کے مریضوں میں گردے فیل ہونے کا خطرہ زیادہ ہوتا ہے۔

گردے فیل ہونے پر یہ عضو کام کرنا چھوڑ دیتا ہے جس کے نتیجے میں جسم میں سیال جمع ہونے لگتا ہے جس سے اعصاب کو نقصان پہنچتا ہے۔

اعصاب کو نقصان پہنچنے سے پیروں میں جلن کا احساس ہوتا ہے۔

اگر نوالہ حلق میں پھنس جائے تو کیا کرنا چاہیے؟

اچھی بات یہ ہے کہ چند گھریلو طریقے سے اس مسئلے پر قابو پانا ممکن ہے۔

اسمال فائبر نیوروپیتھی

یہ پیروں کا ایک مسئلہ ہے جس کے دوران جلن یا سوئی چبھنے جیسا درد ہوتا ہے اور رات کو تکلیف کی شدت زیادہ بدتر ہوتی ہے۔

بلڈ شوگر بڑھنے سے ایسا ہوتا ہے مگر کئی بار اس کی وجہ واضح نہیں ہوتی۔

تھائی رائیڈ مسائل

تھائی رائیڈ ہمارے گلے میں موجود ایک گلینڈ ہے جو ہارمونز بنانے کا کام کرتا ہے۔

ہنسنے کے 8 حیرت انگیز فوائد آپ کو دنگ کر دیں گے

ہنسنے مسکرانے کے لیے کوئی خرچہ کرنے کی بھی ضرورت نہیں۔

مگر جب وہ ہارمون نہیں بناتا تو ہمارے جسم کے لیے توانائی کو استعمال کرنا مشکل ہوتا ہے اور تھکاوٹ، قبض، یادداشت کی کمزوری اور دیگر مسائل کا سامنا ہوتا ہے۔

پیروں میں جلن بھی اس کی ایک عام علامت ہے مگر طبی ماہرین کو یہ علم نہیں کہ ایسا کیوں ہوتا ہے۔

کیمیکلز

صابن، سرف یا کسی بھی کیمیکل سے جِلد متاثر ہوتی ہے اور پیروں میں جلن کی شکایت ہوتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔