روزانہ ایک مالٹا کھانے سے جسم پر کیا اثرات مرتب ہوتے ہیں؟

اگر آپ مالٹے کھانا پسند کرتے ہیں تو اچھی خبر یہ ہے کہ اس سے صحت کو بہت زیادہ فائدہ ہوتا ہے۔

کینو ہو یا کچھ اور، مالٹے کی ہر قسم صحت کے لیے مفید ہوتی ہے۔

یہ متعدد غذائی اجزا اور نباتاتی مرکبات سے بھرپور پھل ہے اور تحقیقی رپورٹس کے مطابق یہ صحت کے لیے متعدد طریقوں سے مفید ثابت ہوتا ہے۔

درحقیقت روزانہ صرف ایک مالٹا کھانے سے بھی جسم کو بہت زیادہ فائدہ ہوتا ہے۔

ہائی بلڈ پریشر کا خطرہ ظاہر کرنے والی علامات اور نشانیاں

ہائی بلڈ پریشر کو خاموش قاتل مرض قرار دیا جاتا ہے کیونکہ اس کے شکار افراد کو اکثر اس کا علم ہی نہیں ہوتا۔

وٹامن سی سے بھرپور

ایک مالٹے سے جسم کو روزانہ درکار وٹامن سی کی 70 فیصد مقدار مل جاتی ہے جو مدافعتی نظام کو مضبوط بنانے کے لیے اہم وٹامن ہے۔

یہ وٹامن آئرن کو جذب کرنے کے لیے بھی اہم ہوتا ہے جبکہ جسم کو خون کی شریانوں اور مسلز کی تشکیل کے لیے بھی اس کی ضرورت ہوتی ہے۔

کینسر سے تحفظ

وٹامن سی کے حصول کا بہترین ذریعہ ہونے کے باعث مالٹے جسم میں ان زہریلے مرکبات کے اجتماع کی روک تھام کرسکتے ہیں جو کینسر کا باعث بنتے ہیں۔

سردیوں میں نزلہ زکام عام کیوں ہوجاتا ہے؟ سائنس کی رائے جان لیں

یہ سب کو معلوم ہے کہ جب ہوا سرد ہوتی ہے تو نزلہ زکام یا فلو وغیرہ کا امکان بڑھ جاتا ہے۔

مختلف تحقیقی رپورٹس میں بتایا گیا کہ ترش پھلوں کا زیادہ استعمال کینسر کی متعدد اقسام بشمول پھیپھڑوں، منہ اور معدے کے کینسر سے متاثر ہونے کا خطرہ کم کرتا ہے۔

معدے کے لیے بہترین

ایک مالٹے میں 3 گرام غذائی فائبر موجود ہوتا ہے۔

فائبر سے نہ صرف قبض سے بچنے یا اس سے ریلیف میں مدد ملتی ہے بلکہ یہ غذائی جز آنتوں کو بھی صحت مند رکھتا ہے۔

پیٹ پھولنے اور گیس کے مسئلے سے نجات دلانے والی بہترین غذائیں

چند عام غذاؤں کے استعمال سے پیٹ پھولنے کے مسئلے سے بچنے میں مدد ملتی ہے۔

اسی طرح فائبر سے کولیسٹرول اور بلڈ شوگر کی سطح بھی کم ہوتی ہے۔

مالٹوں میں موجود فائبر سے پیٹ بھرنے کا احساس زیادہ دیر تک برقرار رہتا ہے جس سے جسمانی وزن کو کنٹرول کرنا بھی آسان ہوجاتا ہے۔

ورم کش

ہر مالٹے میں 170 کیمیائی مرکبات اور 60 فلیونوئڈز ہوتے ہیں۔

وہ غذائیں جن کو پکانے سے قبل دھونا نہیں چاہیے

کچھ غذاؤں کو دھونا بہت ضروری ہوتا ہے مگر تمام غذاؤں کو کھانے یا پکانے سے قبل دھونا ضروری نہیں۔

اینٹی آکسائیڈنٹس سے بھرپور یہ پھل دائمی ورم سے لڑنے میں ادویات سے زیادہ بہتر ثابت ہوسکتا ہے۔

واضح رہے کہ ورم سے کینسر، امراض قلب، ذیابیطس، جوڑوں کی تکلیف، ڈپریشن اور الزائمر امراض کا خطرہ بڑھتا ہے۔

مسلز کے لیے مفید

ایک مالٹے میں 240 ملی گرام پوٹاشیم موجود ہوتا ہے اور یہ منرل اعصاب اور مسلز کے لیے اہم ہوتا ہے جبکہ دل کی دھڑکن کی رفتار مستحکم رکھتا ہے۔

گردوں میں پتھری کا خطرہ کیسے کم کریں؟

زیادہ تر جن افراد کو ایک بار گردوں میں پتھری کا سامنا ہوتا ہے، انہیں مستقبل میں بھی کم از کم ایک بار ضرور اس عارضے کا علاج کرانا پڑتا ہے۔

پوٹاشیم سے بلڈ پریشر کو کنٹرول کرنا بھی آسان ہوجاتا ہے۔

فولیٹ سے بھرپور

حاملہ خواتین کو بچے کی اچھی نشوونما کے لیے بی وٹامن فولیٹ کے استعمال کا مشورہ دیا جاتا ہے کیونکہ اس سے بچے میں دماغ اور ریڑھ کی ہڈی کے پیدائشی نقائص کی روک تھام ہوتی ہے۔

مالٹوں میں فولیٹ کی مقدار کافی زیادہ ہوتی ہے۔

بالوں کی خشکی دور کرنے کیلئے بہترین طریقے جانیں

اس مسئلے کے حل کے لیے شیمپو کا استعمال عام ہوتا ہے مگر گھر میں موجود چند عام چیزوں سے بھی اسے کنٹرول کیا جاسکتا ہے۔

خلیات کو صحت مند بنائے

مالٹوں میں بیٹا کیروٹین نامی طاقتور اینٹی آکسائیڈنٹ کی مقدار کافی زیادہ ہوتی ہے۔

یہ اینٹی آکسائیڈنٹ خلیات کی صحت کو بہتر بناتا ہے اور جسم میں گردش کرنے والے مضر مواد سے ہونے والے نقصان کا خطرہ کم کرتا ہے۔

توانائی کا حصول

مالٹوں میں وٹامن بی 1 بھی موجود ہوتا ہے جو کھائی جانے والی غذا کو توانائی میں بدلنے کے لیے مدد فراہم کرتا ہے۔

ایڑیاں پھٹنے سے پریشان؟ تو اس سے نجات دلانے والے بہترین طریقے جانیں

یہ پیروں کا بہت عام مسئلہ ہے اور لگ بھگ ہر 100 میں سے 20 افراد کو اس کا سامنا ہوتا ہے۔

جسم کے تمام خلیات کو غذا سے توانائی حاصل کرنے کی ضرورت ہوتی ہے جو اس وٹامن کے ذریعے پوری ہوتی ہے۔

خون کی کمی سے بچنا ممکن

وٹامن سی سے بھرپور غذاؤں کے استعمال سے خون کی کمی یا انیمیا سے بچنے میں مدد مل سکتی ہے۔

اگرچہ مالٹے آئرن کے حصول کا اچھا ذریعہ نہیں مگر ان سے وٹامن سی جسم کو ملتا ہے جس سے جسم کی آئرن جذب کرنے کی صلاحیت بہتر ہوتی ہے۔

6 گھنٹے سے کم نیند سے جسم پر کیا اثرات مرتب ہوتے ہیں؟

یہ ایک عادت متعدد امراض کا شکار بناسکتی ہے جبکہ دیگر مسائل الگ ہیں۔

ایک تحقیق میں دریافت کیا گیا کہ 120 گرام مالٹوں کے ساتھ دالوں کو اپنی غذا کا حصہ بنانے سے جسم کو زیادہ مقدار میں آئرن ملتا ہے۔

جِلد کو خوبصورت بنائے

وٹامن سی سے بھرپور غذاؤں کے استعمال سے جِلد کی صحت بھی بہتر ہوتی ہے۔

وٹامن سی سے جسم میں کولیگن نامی پروٹین بننے کا عمل تیز ہوتا ہے۔

روزانہ کچھ مقدار میں مونگ پھلی کھانے سے صحت پر کیا اثرات مرتب ہوتے ہیں؟

مونگ پھلی کو مختلف شکلوں میں کھایا جاتا ہے مگر کیا یہ صحت کے لیے فائدہ مند ہے؟

یہ پروٹین جِلد کو ہموار رکھنے اور لچک برقرار رکھنے میں مدد فراہم کرتا ہے جبکہ زخم جلد بھرتے ہیں۔

ایک تحقیق میں دریافت کیا گیا کہ وٹامن سی کے استعمال سے چہرے پر جھریوں کو ابھرنے سے روکنے میں مدد ملتی ہے۔

ڈی ہائیڈریشن سے بچنا آسان ہو جاتا ہے

سرد موسم میں اکثر افراد پانی کم پینے لگتے ہیں کیونکہ پیاس کا احساس نہیں ہوتا۔

آدھے سر کے درد کو آپ سے دور رکھنے میں مددگار آسان ٹپس

اس تکلیف کے ساتھ کچھ بھی کرنا بہت مشکل ثابت ہوتا ہے اور کسی کو معلوم نہیں کہ اس کا سامنا کب ہو جائے۔

یہی وجہ ہے کہ مالٹوں کا استعمال ڈی ہائیڈریشن سے تحفظ فراہم کرسکتا ہے۔

اس پھل میں پانی کی مقدار کافی زیادہ ہوتی ہے جس سے ڈی ہائیڈریشن کا خطرہ گھٹ جاتا ہے۔

جسم میں پانی کی مناسب مقدار سے نظام ہاضمہ بہتر ہوتا ہے، جوڑوں کو تحفظ ملتا ہے، قبض سے بچنا آسان ہو جاتا ہے جبکہ جسمانی درجہ حرارت کنٹرول میں رہتا ہے۔

ذیابیطس سے تحفظ

ایک مالٹے میں فائبر کی مقدار کافی زیادہ ہوتی ہے اور متعدد تحقیقی رپورٹس سے ثابت ہوا ہے کہ یہ غذائی جز ذیابیطس سے بچانے میں مدد فراہم کرتا ہے۔

ذیابیطس کا شکار ہونے کا عندیہ دینے والی عام علامات

ذیابیطس کی 2 اہم اقسام ٹائپ 1 اور ٹائپ 2 ہیں اور ان دونوں کی ابتدائی اہم علامات ایک جیسی ہوتی ہیں۔

ایک تحقیق میں دریافت کیا گیا کہ روزانہ 4 گرام فائبر کے استعمال سے جسم کی انسولین پر ردعمل ظاہر کرنے کی صلاحیت بہتر ہوتی ہے۔

انسولین کی حساسیت میں کمی سے ذیابیطس ٹائپ 2 سے متاثر ہونے کا خطرہ بڑھتا ہے۔

پھلوں اور سبزیوں پر مشتمل غذا سے بلڈ شوگر کو کنٹرول کرنے میں بھی مدد ملتی ہے جس سے ذیابیطس کا خطرہ کم ہوتا ہے۔

دل صحت مند ہوتا ہے

مالٹے فائبر اور پوٹاشیم کے حصول کا اچھا ذریعہ ہیں اور یہ دونوں غذائی اجزا دل کی صحت کو بہتر بنانے میں مدد فراہم کرتے ہیں۔

ہر عمر میں جِلد کو ہموار اور جگمگا کر رکھنا چاہتے ہیں؟ تو یہ آسان عادات آج ہی اپنالیں

جِلد پر عمر سے مرتب ہونے والے اثرات کے حوالے سے جینز اہم کردار ادا کرتے ہیں مگر طرز زندگی کی چند عادات بھی اہم ہوتی ہیں۔

ایک تحقیق میں دریافت کیا گیا کہ فائبر سے بھرپور غذا کے استعمال سے امراض قلب سے متاثر ہونے کا خطرہ کم ہوتا ہے۔

اسی طرح مالٹوں میں موجود پوٹاشیم سے بلڈ پریشر کو کنٹرول میں رکھنے میں مدد ملتی ہے جس سے امراض قلب بشمول ہارٹ اٹیک اور فالج کا خطرہ کم ہوتا ہے۔

توند میں کمی لانے میں مددگار

مالٹوں میں موجود فائبر توند کی چربی کو گھٹانے میں مدد فراہم کرسکتا ہے۔

بیشتر افراد کی پسندیدہ وہ چیز جو ذیابیطس، دل اور گردوں کے امراض کا شکار بنادیتی ہے

دنیا بھر میں سافٹ ڈرنکس کے استعمال کی شرح میں مسلسل اضافہ دیکھنے میں آیا ہے۔

ایک تحقیق میں دریافت کیا گیا کہ جو افراد فائبر کی زیادہ مقدار کا استعمال کرتے ہیں، ان کے جسمانی وزن اور توند کی چربی میں کمی آتی ہے۔

توند کی چربی سے جسمانی ورم بڑھتا ہے جبکہ مختلف دائمی امراض جیسے ذیابیطس ٹائپ 2، ہائی بلڈ پریشر اور دیگر کا خطرہ بڑھتا ہے۔

مالٹوں میں فلیونوئڈز مرکبات بھی ہوتے ہیں اور یہ مرکبات بھی چربی کو گھلانے میں مدد فراہم کرتے ہیں۔

جوس کی بجائے پھل زیادہ مفید

ویسے تو دونوں ہی صحت کے لیے مفید ہیں مگر سالم پھل اورنج جوس کے مقابلے میں زیادہ بہتر ہوتا ہے۔

روزانہ ایک امرود کھانے کے 12 حیرت انگیز فوائد

اس میں متعدد غذائی اجزا ہوتے ہیں جن میں وٹامن سی نمایاں ہے مگر اس کے ساتھ ساتھ متعدد اینٹی آکسائیڈنٹس بھی اس پھل کا حصہ ہوتے ہیں۔

اورنج جوس میں فائبر کی مقدار نہ ہونے کے برابر ہوتی ہے جبکہ پھل میں فائبر موجود ہوتا ہے جس کے فوائد اوپر درج کیے جاچکے ہیں۔

مالٹوں کے سفید تار بھی صحت بخش

بیشتر افراد مالٹوں کے گودے پر لگے سفید تار ہٹا دیتے ہیں کیونکہ ان کا ذائقہ کچھ تلخ ہوتا ہے۔

مگر ان تاروں میں کیلشیئم، فائبر، وٹامن سی اور مدافعتی نظام طاقتور بنانے والے اینٹی آکسائیڈنٹس موجود ہوتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔