26 جنوری ، 2023 
پاکستان
گورنر ہاؤس میں گورنر بلیغ الرحمان نے نگران کابینہ کے ارکان سے حلف لیا— فوٹو: اسکرین گریب
پنجاب کی نگران کابینہ کے 11 میں سے 8 ارکان نے حلف اٹھالیا
26 جنوری ، 2023
لاہور : پنجاب کے نامزد 11 نگران وزرا میں سے 8 نے حلف اٹھا لیا، گورنر پنجاب بلیغ الرحمان نے نگران وزرا سے حلف لیا۔
حلف اٹھانے والوں میں ایس ایم تنویر، ڈاکٹرجاوید اکرم، ابراہیم مراد، بلال افضل، ڈاکٹر جمال ناصر، منصور قادر، سید اظفر علی ناصر اور عامر میر شامل ہیں۔
2 نامزد ارکان تمکنت کریم اور نسیم صادق نے بطور نگران وزیر حلف اٹھانے سے انکار کردیا ہے جس کی وجہ سامنے نہیں آسکی۔
ذارئع کا کہنا ہے کہ فاسٹ بولر وہاب ریاض ملک سے باہر ہونے کے باعث حلف نہ اٹھا سکے۔
