17 دسمبر ، 2012 
ہوبارٹ ٹیسٹ: 393 رنز کے تعاقب میں سری لنکا 2 وکٹوں پر65 رنز
17 دسمبر ، 2012
ہوبارٹ…ہوبارٹ ٹیسٹ پر میزبان ٹیم آسٹریلیا کی گرفت مضبوط ہوگئی ہے۔ ہوبارٹ میں کھیلے جارہے پہلے کرکٹ ٹیسٹ کے چوتھے روز کھیل کے اختتام پر سری لنکا نے 2 وکٹوں کے نقصان پر 65 رنز بنالیے ہیں، سنگاکار 18 اور جے وردنے 5 رنز کے ساتھ کریزپر موجود ہیں۔ میچ میں کامیابی کیلئے سری لنکا کو مزید 328 رنز جبکہ آسٹریلیا کو 8 وکٹوں کی ضرورت ہے ۔ اس سے قبل آج آسٹریلیا کی پوری ٹیم 278 رنز بناکر آؤٹ ہوگئی تھی، وارنر 68 ، مائیکل کلارک 57 اور کووان 56 رنز کے ساتھ نمایاں رہے، ہراتھ نے عمدہ بالنگ کا مظاہرہ کرتے ہوئے 5 وکٹیں حاصل کیں۔ اس طرح آسٹریلیا نے سری لنکا کو میچ جیتنے کیلئے 393 رنز کا ہدف دیا۔ دوسری اننگز میں بھی سری لنکا کا آغاز اچھا نہ تھا اور 47 کے مجموعی اسکور پر اوپننگ پیئر پویلین واپس لوٹ چکا تھا، کرونا رتنے 30 اور دلشان 11 رنز بناکر آؤٹ ہوئے۔ اسٹارک اور واٹسن نے ایک ایک وکٹ حاصل کی۔
مزید خبریں :
جیو نیوز پوڈکاسٹ: کون ہے ہمارا پہلا مہمان؟
28 نومبر ، 2024
ڈومیسٹک ٹی ٹوئنٹی میں گجرات کے بیٹر کی 28 گیندوں پر سنچری
27 نومبر ، 2024
