چینی کا استعمال نہ کرنے سے جسم پر کیا اثرات مرتب ہوتے ہیں؟

عالمی ادارہ صحت کے مطابق ایک فرد کو 5 سے 10 چائے کے چمچ کے برابر ہر قسم کی مٹھاس جیسے چینی یا غذاؤں میں موجود شکر کا استعمال کرنا چاہیے۔

مگر یہ کہنے کی ضرورت نہیں کہ بیشتر افراد روزانہ بہت زیادہ مقدار میں چینی کو اپنے جسم کا حصہ بناتے ہیں۔

مختلف غذاؤں جیسے پھلوں، سبزیوں، دودھ یا اس سے بنی مصنوعات اور اجناس میں قدرتی شکر موجود ہوتی ہے، ہمارا نظام ہاضمہ اس قدرتی مٹھاس کو سست روی سے ہضم کرتا ہے تاکہ جسم کو مسلسل توانائی فراہم کی جاسکے۔

اس کے مقابلے میں چینی جسم میں جاکر فوری طور پر ہضم ہوجاتی ہے جس سے بلڈ شوگر کی سطح میں بہت تیزی سے اضافہ ہوتا ہے۔

ہر سال ایک کروڑ اموات کا باعث بننے والے کینسر کے مرض سے بچنے میں مددگار آسان عادات

گزشتہ 2 دہائیوں کے دوران کینسر کے شکار ہونے والے افراد کی تعداد میں لگ بھگ دوگنا اضافہ ہوچکا ہے۔

امریکن ہارٹ ایسوسی ایشن کے مطابق خواتین کو دن بھر میں 25 گرام (6 چائے کے چمچ) جبکہ مردوں کو 36 گرام (9 چائے کے چمچ) سے زیادہ چینی کے استعمال سے گریز کرنا چاہیے۔

مگر اس وقت کیا ہوتا ہے جب آپ اچانک چینی کو اپنی غذا سے مکمل طور پر نکال دیں؟

جیسا اوپر درج کیا جاچکا ہے کہ قدرتی غذاؤں میں بھی شکر کاربوہائیڈریٹس کی شکل میں موجود ہوتی ہے اور ہمارے جسم کو اپنے افعال کے لیے چینی سے ملنے والی مٹھاس کی ضرورت نہیں ہوتی۔

اگر آپ روزانہ چینی کی بہت زیادہ مقدار کا استعمال کرتے ہیں تو اس سے اچانک دوری سے سردرد، چڑچڑے پن، تھکاوٹ، سر چکرانے اور توجہ مرکوز نہ کرپانے جیسی ابتدائی علامات کا سامنا ہو سکتا ہے۔

قبض، پیٹ پھولنے اور نظام ہاضمہ کے دیگر امراض سے بچانے کیلئے بہترین غذائیں

متعدد افراد کو نظام ہاضمہ کے مسائل جیسے پیٹ پھولنے، پیٹ درد، گیس، ہیضہ اور قبض کا سامنا ہوتا ہے۔

البتہ اگر آپ چینی کا استعمال ترک کر دیتے ہیں تو پھر جسم پر جو اثرات مرتب ہوتے ہیں وہ درج ذیل ہیں۔

بلڈ شوگر اور میٹابولک صحت بہتر ہوتی ہے

چینی کا زیادہ استعمال بلڈ شوگر میں اضافے کا باعث بنتا ہے جس کے نتیجے میں لبلبے سے انسولین کی زیادہ مقدار کا اخراج ہوتا ہے۔

انسولین وہ ہارمون ہے جو بلڈ گلوکوز کی سطح میں کمی لاتا ہے۔

فالج اور ہارٹ اٹیک سمیت دل کے جان لیوا امراض سے بچانے میں مددگار بہترین غذائیں

آپ کا غذائی انتخاب بلڈ پریشر، خون میں چکنائی، کولیسٹرول اور ورم پر اثرانداز ہوتا ہے۔

جب بار بار بلڈ شوگر کی سطح میں کمی لانے کے لیے انسولین کا اخراج ہوتا ہے تو اس سے انسولین کی مزاحمت پیدا پوتی ہے۔

یہ ایک ایسا عارضہ ہے جس کے دوران خلیات انسولین پر درست طریقے سے ردعمل ظاہر نہیں کرتے جس سے ذیابیطس ٹائپ 2 کا خطرہ بڑھتا ہے۔

چینی کا استعمال ترک کرنے سے انسولین کی سطح مستحکم ہوتی ہے جس سے انسولین کی مزاحمت کا خطرہ گھٹ جاتا ہے جبکہ میٹابولک صحت بہتر ہوتی ہے۔

آغاز میں چڑچڑے پن کا سامنا ہوتا ہے

جب آپ غذا سے چینی کو نکال دیتے ہیں تو آغاز میں چڑچڑے پن اور غصے جیسے احساسات کا سامنا ہو سکتا ہے۔

جوان افراد میں کینسر تیزی سے کیوں پھیل رہا ہے؟ طبی ماہرین کی رائے جانیں

بری خبر یہ ہے کہ جوان افراد میں کینسر سے متاثر ہونے کی شرح میں اضافہ ہوا ہے۔

ہر فرد میں یہ اثر مختلف ہو سکتا ہے مگر بتدریج مزاج خوشگوار ہونے لگتا ہے۔

بلڈ شوگر مستحکم ہونے اور معدے کی صحت بہتر ہونے سے مزاج پر بھی خوشگوار اثرات مرتب ہوتے ہیں۔

امراض قلب کا خطرہ کم ہوتا ہے

ایک طبی تحقیق میں دریافت کیا گیا کہ چینی کے بہت زیادہ استعمال سے امراض قلب سے موت کا خطرہ دوگنا بڑھ جاتا ہے۔

ناشتہ نہ کرنے کی عادت کے 3 حیرت انگیز اثرات

ناشتے سے جسم کو دن کے آغاز پر توانائی ملتی ہے اور آپ کے پاس موقع ہوتا ہے کہ صحت بخش غذاؤں سے جسم کو دن کا آغاز کرنے دیں۔

اس کی وجہ تو واضح نہیں مگر ماہرین کے خیال میں زیادہ میٹھا کھانے سے بلڈ پریشر کی سطح بڑھتی ہے یا خون میں چکنائی کی مقدار بڑھتی ہے، یہ دونوں ہی ہارٹ اٹیک، فالج اور دیگر امراض قلب کا خطرہ بڑھانے والے عناصر ہیں۔

اس کے مقابلے میں چینی کا استعمال ترک کرنے سے خون میں چکنائی کی سطح گھٹ جاتی ہے جس سے دل کی شریانوں کی صحت بہتر ہوتی ہے اور امراض قلب کا خطرہ کم ہوتا ہے۔

جسمانی وزن میں کمی آسکتی ہے

جی ہاں چینی کا استعمال ترک کرنے سے جسمانی وزن میں کمی لانے میں مدد مل سکتی ہے۔

وٹامن ڈی کی کمی جسم پر کیا اثرات مرتب کرتی ہے؟

ایک تخمینے کے مطابق دنیا بھر میں ایک ارب افراد وٹامن ڈی کی کمی کا سامنا کررہے ہیں۔

میٹھے مشروبات اور غذاؤں میں کیلوریز کی مقدار بہت زیادہ ہوتی ہے مگر جسم کے لیے مفید اجزا نہ ہونے کے برابر ہوتے ہیں۔

ان مشروبات یا غذاؤں کو لوگ زیادہ مقدار میں استعمال کرلیتے ہیں۔

اس کے مقابلے میں چینی سے دوری سے جسم کا حصہ بننے والی کیلوریز کی تعداد میں کمی آتی ہے جس سے جسمانی وزن میں بھی کمی آتی ہے۔

درحقیقت چینی کا بہت کم استعمال پیٹ اور کمر کے اردگرد چربی کو بھی کم کرتا ہے۔

کیا سردیوں میں دہی کھانا نقصان دہ تو نہیں ہوتا؟

دہی میں متعدد غذائی اجزا موجود ہوتے ہیں جن سے صحت کو فائدہ ہوتا ہے۔

جسمانی ورم گھٹ جاتا ہے

زیادہ مقدار میں چینی کھانے سے جسم میں ورم کی سطح بڑھتی ہے بلکہ یہ ورم دائمی شکل اختیار کرلیتا ہے جو صحت کے لیے تباہ کن ثابت ہوتا ہے۔

جسمانی ورم سے امراض قلب، جوڑوں کے امراض اور کینسر جیسی بیماریوں کا خطرہ بڑھتا ہے۔

جب آپ چینی کا استعمال کم کر دیتے ہیں یا بالکل نہیں کرتے تو جسمانی ورم کی سطح بھی گھٹ جاتی ہے جس سے دیگر امراض کا خطرہ کم ہو جاتا ہے۔

جگر کو نقصان پہنچانے والی حیران کن چیزیں جن کو لوگ بے ضرر سمجھتے ہیں

جگر کے امراض کی چند وجوہات بہت زیادہ حیران کن ہوتی ہیں کیونکہ بظاہر وہ نقصان دہ محسوس نہیں ہوتیں۔

جسمانی توانائی متاثر ہو سکتی ہے

جب آپ چینی سے دوری اختیار کرتے ہیں تو آغاز میں تھکاوٹ یا سستی کا سامنا ہو سکتا ہے کیونکہ جسم کو چینی کے بغیر توانائی کے ذخائر بنانے میں مشکلات کا سامنا ہوتا ہے۔

چینی کے زیادہ استعمال سے توانائی کی سطح میں بہت تیزی سے اضافہ ہوتا ہے مگر پھر اچانک کمی بھی آتی ہے۔

چینی سے دوری سے بلڈ شوگر کی سطح مستحکم ہوتی ہے اور دن بھر توانائی کی سطح مستحکم رہتی ہے۔

جوڑوں کے امراض کی ابتدائی علامات جن کو کبھی نظر انداز مت کریں

جوڑوں کے امراض کی متعدد اقسام ہیں اور لگ بھگ سب میں ورم کا کردار اہم ہوتا ہے۔

جِلد جگمگانے لگتی ہے

چینی کے زیادہ استعمال سے جِلدی امراض جیسے کیل مہاسوں کی شدت بڑھ جاتی ہے۔

کیل مہاسوں کے ساتھ ساتھ چینی کا زیادہ استعمال جِلد کو قبل از وقت بڑھاپے کا بھی شکار بناتا ہے۔

ایک تحقیق میں دریافت کیا گیا کہ دن بھر میں ایک سافٹ ڈرنک پینے والے افراد میں قبل از وقت بڑھاپے کا خطرہ زیادہ ہوتا ہے جبکہ چہرے پر جھریاں بھی نمودار ہوسکتی ہیں۔

پھیپھڑوں کی صحت کے لیے بہترین اور بدترین غذائیں کونسی ہوتی ہیں؟

عمر بڑھنے کے ساتھ ہمارے پھیپھڑوں کی گنجائش گھٹ جاتی ہے اور نظام تنفس کے امراض کا خطرہ بڑھتا ہے۔

اس کے مقابلے میں چینی سے دوری اختیار کرنے سے جِلد کی صحت بہتر ہوتی ہے جبکہ اس کی لچک بڑھ جاتی ہے۔

معدے اور مدافعتی نظام کو بھی فائدہ ہوتا ہے

ہمارا معدہ چینی کو پسند نہیں کرتا۔

چینی کے زیادہ استعمال سے معدے میں موجود بیکٹریا کا توازن بگڑتا ہے اور صحت کے لیے نقصان دہ بیکٹریا کی نشوونما بڑھ جاتی ہے۔

پوپ کارن کھانے سے صحت کو ہونے والے حیرت انگیز فوائد

پوپ کارن میں فائبر جیسا غذائی جز کافی مقدار میں ہوتا ہے جبکہ مختلف اینٹی آکسائیڈنٹس اور دیگر اجزا بھی جسم کو ملتے ہیں۔

جب ایسا ہوتا ہے تو نظام ہاضمہ کے مختلف امراض کا خطرہ بڑھتا ہے جبکہ مدافعتی نظام بھی کمزور ہوتا ہے۔

چینی کے کم استعمال سے معدے میں موجود بیکٹریا کا توازن بہتر ہوتا ہے جس سے نظام ہاضمہ زیادہ بہتر کام کرتے ہوئے غذائی اجزا کو مؤثر طریقے سے جذب کرتا ہے، جس سے مدافعتی نظام کو بھی فائدہ ہوتا ہے۔

نیند کا معیار بہتر ہوتا ہے

چینی کے زیادہ استعمال سے نیند کے حصول میں مدد فراہم کرنے والے ہارمونز جیسے میلاٹونین اور سیروٹونین بننے کے عمل پر منفی اثرات مرتب ہوتے ہیں۔

بادام بھگو کر کھانے سے صحت کو ہونے والے 10 فوائد

بیشتر افراد کے خیال میں باداموں کو پانی میں بھگو کر کھانا صحت کے لیے زیادہ فائدہ مند ہوتا ہے۔

اسی طرح چینی کے زیادہ استعمال سے بلڈ گلوکوز کی سطح بڑھ جاتی ہے جس کے باعث دن کے وقت غنودگی کی کیفیت طاری ہوسکتی ہے جبکہ شام میں نیند آنکھوں سے اڑ جاتی ہے۔

زیادہ چینی کے استعمال سے گہری نیند کا دورانیہ بھی گھٹ سکتا ہے جس سے نیند کا معیار متاثر ہوتا ہے۔

اس کے مقابلے میں چینی سے دوری یا اس کا استعمال کم کرنے سے نیند کا معیار بہتر ہوتا ہے کیونکہ ہارمونز زیادہ مؤثر طریقے سے کام کرنے لگتے ہیں۔

منہ کی صحت بہتر ہوتی ہے

زیادہ میٹھا کھانے سے دانت بھی متاثر ہوتے ہیں۔

دماغ کے لیے ایسی تباہ کن عادات جو بیشتر افراد اپنا لیتے ہیں

حیران کن طور پر یہ عادات بہت عام ہیں اور بیشتر افراد انہیں بے ضرر تصور کرتے ہیں۔

چینی ہمارے منہ میں موجود بیکٹریا کے لیے غذا ثابت ہوتی ہے جس سے مختلف امراض کا خطرہ بڑھتا ہے۔

میٹھے مشروبات، ٹافیوں اور خشک پھلوں سے منہ میں تیزابیت بڑھتی ہے جس سے دانتوں کی سطح متاثر ہوتی ہے۔

اس کے مقابلے میں جب آپ چینی سے دوری اختیار کرتے ہیں تو مسوڑوں اور دانتوں کے امراض کا خطرہ کم ہوتا ہے جبکہ منہ کی مجموعی صحت بہتر ہو جاتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔