وٹامن ڈی کی کمی جسم پر کیا اثرات مرتب کرتی ہے؟

وٹامن ڈی ایک ایسا جز ہے جو ہماری صحت اور مدافعتی نظام کے لیے انتہائی اہم ہوتا ہے۔

وٹامن ڈی سے ہڈیاں مضبوط ہوتی ہیں، ذہنی صحت بہتر ہوتی ہے جبکہ اچھی نیند کا حصول آسان ہو جاتا ہے۔

مگر دنیا بھر میں کروڑوں افراد وٹامن ڈی کی کمی کے شکار ہوتے ہیں۔

ایک تخمینے کے مطابق دنیا بھر میں ایک ارب افراد وٹامن ڈی کی کمی کا سامنا کررہے ہیں۔

کیا سردیوں میں دہی کھانا نقصان دہ تو نہیں ہوتا؟

دہی میں متعدد غذائی اجزا موجود ہوتے ہیں جن سے صحت کو فائدہ ہوتا ہے۔

مگر سوال یہ ہے کہ وٹامن ڈی کی کمی سے جسم پر کیا اثرات مرتب ہوتے ہیں؟

تھکاوٹ اور کمزوری

یہ تو واضح نہیں کہ وٹامن ڈی کی کمی سے تھکاوٹ یا کمزوری کا سامنا کیوں ہوتا ہے مگر متعدد تحقیقی رپورٹس سے ثابت ہوا کہ وٹامن ڈی کی کمی کے شکار افراد اکثر تھکاوٹ اور کمزوری کی شکایت کرتے ہیں۔

مسلز میں تکلیف اور کمزوری

وٹامن ڈی مسلز کے افعال کے لیے بہت اہم ہوتا ہے۔

جگر کو نقصان پہنچانے والی حیران کن چیزیں جن کو لوگ بے ضرر سمجھتے ہیں

جگر کے امراض کی چند وجوہات بہت زیادہ حیران کن ہوتی ہیں کیونکہ بظاہر وہ نقصان دہ محسوس نہیں ہوتیں۔

یہی وجہ ہے کہ جسم میں وٹامن ڈی کی کمی سے مسلز میں تکلیف، حجم میں کمی، کمزوری اور مسلز کی ساخت بدلنے جیسے مسائل کا سامنا ہو سکتا ہے۔

کمر درد

مسلز کی کمزوری سے کمر اور گردن کے مسلز پر دباؤ بڑھتا ہے جس کا نتیجہ کمر درد کی شکل میں نکلتا ہے۔

وٹامن ڈی کی کمی کے شکار افراد میں کمر درد کی شکایت بہت عام ہوتی ہے۔

جوڑوں کے امراض کی ابتدائی علامات جن کو کبھی نظر انداز مت کریں

جوڑوں کے امراض کی متعدد اقسام ہیں اور لگ بھگ سب میں ورم کا کردار اہم ہوتا ہے۔

اگر آپ کو اکثر کمر درد کا سامنا ہوتا ہے تو بہتر ہے کہ جسم میں وٹامن ڈی کی کمی کا ٹیسٹ کروا لیں۔

ہڈیوں کی کمزوری

ہمارا جسم ہڈیوں کی نشوونما اور کیلشیئم کو جذب کرنے کے لیے وٹامن ڈی پر انحصار کرتا ہے۔

یہی وجہ ہے کہ وٹامن ڈی کی کمی ہڈیوں کی کمزوری یا بھربھرے پن کا شکار کر سکتی ہے۔

پھیپھڑوں کی صحت کے لیے بہترین اور بدترین غذائیں کونسی ہوتی ہیں؟

عمر بڑھنے کے ساتھ ہمارے پھیپھڑوں کی گنجائش گھٹ جاتی ہے اور نظام تنفس کے امراض کا خطرہ بڑھتا ہے۔

ہڈیوں کی کمزوری کے ساتھ ساتھ ان کی کثافت بھی گھٹ جاتی ہے جس سے فریکچر کا خطرہ بڑھتا ہے۔

بالوں سے محرومی

وٹامن ڈی بالوں کی صحت کے لیے بھی اہم ہوتا ہے۔

وٹامن ڈی کی کمی کے نتیجے میں بالوں کی نشوونما سست ہو جاتی ہے بلکہ بال گرنے کا خطرہ بڑھتا ہے۔

پوپ کارن کھانے سے صحت کو ہونے والے حیرت انگیز فوائد

پوپ کارن میں فائبر جیسا غذائی جز کافی مقدار میں ہوتا ہے جبکہ مختلف اینٹی آکسائیڈنٹس اور دیگر اجزا بھی جسم کو ملتے ہیں۔

ڈپریشن

مختلف تحقیقی رپورٹس کے مطابق وٹامن ڈی کی کمی سے ڈپریشن کی علامات کا خطرہ بڑھتا ہے۔

اسی طرح ڈپریشن کے مریض اگر وٹامن ڈی کی کمی کے شکار ہوں تو ڈپریشن کی علامات کی شدت بڑھ سکتی ہے۔

جسمانی وزن میں اضافہ

جسم میں وٹامن ڈی کی کمی جسمانی وزن میں اضافے کا باعث بن سکتی ہے۔

سرد موسم میں زیادہ نیند کیوں آتی ہے؟ سائنس کی رائے جان لیں

اگر آپ کو ایسا محسوس ہوتا ہے تو آپ تنہا نہیں بلکہ دنیا بھر میں کروڑوں افراد کو اس کا تجربہ ہوتا ہے۔

درحقیقت موٹاپے کے شکار افراد میں وٹامن ڈی کی کمی کا خطرہ دیگر کے مقابلے میں 35 فیصد زیادہ ہوتا ہے۔

تحقیقی رپورٹس کے مطابق پیٹ اور کمر کے اردگرد جمع ہونے والی چربی اور وٹامن ڈی کی کمی کے درمیان تعلق موجود ہے۔

جِلدی امراض

وٹامن ڈی جِلد کے افعال کے لیے بھی ضروری ہوتا ہے اور اس کی کمی چنبل جیسے جِلدی مرض کا شکار بنا سکتی ہے۔

بادام بھگو کر کھانے سے صحت کو ہونے والے 10 فوائد

بیشتر افراد کے خیال میں باداموں کو پانی میں بھگو کر کھانا صحت کے لیے زیادہ فائدہ مند ہوتا ہے۔

چنبل جِلد کا ایسا دائمی مرض ہے جس کے نتیجے میں جِلد ورم اور خارش کا شکار ہو جاتی ہے۔

دانتوں کو نقصان پہنچتا ہے

وٹامن ڈی صحت مند دانتوں اور مسوڑوں کے لیے ضروری ہوتا ہے کیونکہ اس سے جسم کو کیلشیئم جذب کرنے میں مدد ملتی ہے۔

یہی وجہ ہے کہ وٹامن ڈی کی کمی سے دانت کمزور ہوتے ہیں اور ان کی فرسودگی اور ٹوٹنے کا خطرہ بڑھتا ہے۔

ہائی بلڈ پریشر جیسے مرض کو آپ سے دور رکھنے کے لیے بہترین غذائیں

صحت کے لیے فائدہ مند طرز زندگی سے اس بیماری کا شکار ہونے سے بچنے میں مدد مل سکتی ہے۔

اسی طرح وٹامن ڈی کی کمی مسوڑوں کے مختلف امراض کا خطرہ بھی بڑھاتی ہے۔

پیشاب کی نالی میں سوزش

وٹامن ڈی مدافعتی نظام کے لیے اہم ہوتا ہے کیونکہ اس سے جسم کو قدرتی اینٹی بائیوٹیکس تیار کرنے میں مدد ملتی ہے۔

اس کے مقابلے میں وٹامن ڈی کی کمی سے پیشاب کی نالی میں سوزش کا خطرہ بڑھتا ہے۔

دماغ کے لیے ایسی تباہ کن عادات جو بیشتر افراد اپنا لیتے ہیں

حیران کن طور پر یہ عادات بہت عام ہیں اور بیشتر افراد انہیں بے ضرر تصور کرتے ہیں۔

پیشاب کی نالی میں سوزش ایک بیکٹریل مرض ہے جو مثانے اور گردوں کو متاثر کرتا ہے۔

موسمی بیماریاں ہر وقت گھیرے رکھتی ہیں

وٹامن ڈی مدافعتی صحت کے لیے اہم ہوتا ہے جس سے بیمار کرنے والے بیکٹریا اور وائرسز سے مقابلہ کرنے میں مدد ملتی ہے۔

وٹامن ڈی براہ راست ان خلیات سے رابطے میں رہتا ہے جو بیماریوں سے لڑنے کا کام کرتے ہیں۔

نمک کے زیادہ استعمال سے جسم پر مرتب ہونے والے اثرات جانتے ہیں؟

دنیا بھر میں 18 لاکھ 90 ہزار افراد غذا میں نمک کے زیادہ استعمال کے باعث انتقال کر جاتے ہیں۔

اگر آپ اکثر بیمار ہوجاتے ہیں بالخصوص نزلہ زکام یا فلو کا سامنا ہوتا ہے تو یہ جسم میں وٹامن ڈی کی کمی کی نشانی ہوسکتی ہے۔

متعدد تحقیقی رپورٹس میں وٹامن ڈی کی کمی اور نظام تنفس کے امراض بشمول نزلہ زکام اور نمونیا کے درمیان تعلق ثابت ہوا ہے۔

انزائٹی

وٹامن ڈی کی کمی کو انزائٹی امراض سے بھی منسلک کیا جاتا ہے۔

کینسر کی 6 جان لیوا اقسام کی وہ علامات جو بیشتر افراد نظر انداز کردیتے ہیں

کینسر کی متعدد اقسام ہیں جن میں سے 6 کو سب سے زیادہ جان لیوا سمجھا جاتا ہے۔

ایک تحقیق میں دریافت کیا گیا کہ انزائٹی کے شکار افراد میں وٹامن ڈی کی ایک قسم calcidiol کی کمی ہوتی ہے۔

ایک اور تحقیق میں دریافت کیا گیا کہ وٹامن ڈی کی مناسب مقدار سے انزائٹی کی علامات کی شدت میں کمی لانے میں مدد مل سکتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔