18 دسمبر ، 2012 
ہوبارٹ ٹیسٹ: آسٹریلیا نے سری لنکا کو 137 رنز سے ہرادیا
18 دسمبر ، 2012
ہوبارٹ …آسٹریلیا نے سری لنکا کو پہلے ٹیسٹ میں137 رنز سے شکست دے تین میچوں پر مشتمل سیریز میں ایک ۔صفر کی برتری حاصل کرلی۔ ہوبارٹ میں کھیلے گئے پہلے ٹیسٹ میں 393 رنز کے تعاقب میں مہمان ٹیم255 رنز بناکر آوٴٹ ہوگئی۔ سری لنکن ٹیم نے کھیل کے آخری روز 65 رنز دو کھلاڑی آؤٹ پر اپنی نامکمل اننگز کا آغاز کیا۔ سری لنکن ٹیم کو آج پہلا نقصان اس وقت اٹھانا پڑا جب جے وردنے 19 رنز بناکر سڈل کا شکاربنے، جلد ہی سنگاکارا بھی 63 رنز بناکر پویلین واپس لوٹ گئے۔ میچ کے آخری سیشن میں آسٹریلوی بالرزاسٹارک اور سڈل نے شاندار بالنگ کا مظاہرہ کرتے ہوئے 6 وکٹیں حاصل کیں۔ یوں سری لنکا کی پوری ٹیم 255 رنز بناکر آؤٹ ہوگئی۔ سنگاکارا 63 اور سمارا ویرا 49 رنز کے ساتھ نمایاں رہے۔ اسٹارک نے 5 اور سڈل نے 4 کھلاڑیوں کو آؤٹ کیا۔سڈل نے میچ میں مجموعی طورپر 9 وکیں لیں۔دوسرا ٹیسٹ 26 دسمبر سے ملبورن جبکہ تیسرا اور آخری ٹیسٹ 3 جنوری سے سڈنی میں کھیلا جائے گا۔
مزید خبریں :
جیو نیوز پوڈکاسٹ: کون ہے ہمارا پہلا مہمان؟
28 نومبر ، 2024
ڈومیسٹک ٹی ٹوئنٹی میں گجرات کے بیٹر کی 28 گیندوں پر سنچری
27 نومبر ، 2024
