ڈیلس (راجہ زاہد اختر خانزادہ) اسلامک ایسوسی ایشن آف نارتھ ٹیکساس کے بورڈ ممبر طارق یونس کی بھتیجی اور حامد یونس کی بیٹی سعدیہ غفار اپنی بیٹی کے ہمراہ ٹریفک حادثہ میں جاں بحق، دوسری بیٹی زخمی، ملنے والی تفصیلات کے مطابق فریکو شہر میں رہائش پذیر کراچی سے تعلق رکھنے والی پاکستانی 38 سالہ خاتون سعدہی غفار جو کہ گذشتہ روز فریکو میںواقع ٹیرسن روڈ پر ساﺅتھ میڈول ڈرائیو کے قریب اپنے بچوںکے ہمراہ اپنی وین میں جارہی تھیں کہ مخالف سمت سے آنے والی SUV نے ان کی گاڑی کو ٹکر ماردی جس کے سبب سعدیہ غفار اور ان کی بیٹی زویا جس کی عمر 2 سال بتائی جاتی ہے، اسپتال جاکر دم توڑ گئیں، جبکہ ان کی دوسری بیٹی جن کا نام معلوم نہیں ہوسکا ان کو ابتدائی طبی امداد کے بعد اسپتال سے فارغ کردیا گیا۔ دریں اثناءپولیس نے وین کو ٹکر مارنے والی SUV کی ڈرائیور 28 سالہ سنڈی کاسیتلو کو میڈیکل سینٹر بلاتو لے جایا گیا جہاں پر خون اور پیشاب کے معائنہ کی رپورٹ میں بتایا گیا کہ ٹکر مارنے والی 21 سالہ سنڈی کے طبی معائنہ کے بعد اس کی رپورٹ میں کوئی نشہ آور چیز نہیں پائی گئی اس لے پولیس نے حادثہ کی ذمہ دار کو گھر جانے کی اجازت دے دی۔ مرحومہ سعدیہ غفار دو بچیوں اور ایک بیٹے کی ماں تھیں، ان کے خاوند یونیورسٹی آف اوکلوہاما سے گریجویٹ ہیں جن کا نام عدنان غفار ہے۔ مرحومہ سعدیہ غفار ڈیلس فورٹ کی مذہبی کمیونٹی میں انتہائی متحرک کردار کی حامل تھیں، وہ ایک مسجد کے اسکول میں ٹیچر کی ذمہ داریاں ادا کررہی تھیں، ان کی نماز جنازہ ریچرسن کی مرکزی مسجد میںادا کی گئی جس میںسینکڑوں افراد نے شرکت کی۔ جبکہ بعدازاں ان کو ڈینٹن کے مسلم قبرستان میں سپردخاک کردیا گیا۔مرحومہ کے انتقال پر کمیونٹی میں ایک صدمہ کی لہر دوڑ گئی اور متعدد افردا نے اس المناک سانحہ پر دلی دکھ کا اظہار کرتے ہوئے مرحومین کیلئے دعائے مغفرت کی ہے۔