لاہور میں عید تک رات ایک بجے تک دکانیں کھولنے کی اجازت
07 اپریل ، 2023
لاہور ہائیکورٹ نے شہر میں عید تک رات ایک بجے تک دکانیں کھلی رکھنے کی اجازت دے دی۔
لاہور ہائیکورٹ کے جسٹس شاہد کریم نے اسموگ کے تدارک سے متعلق درخواست پر سماعت کی جس میں عدالت نے درخت کاٹنے والوں کے خلاف مقدمات درج کرنے کی ہدایت کی۔
عدالت نے کہا کہ امریکا میں کوئی اپنےگھر میں بھی درخت نہیں کاٹ سکتا، 2020 کے سروے میں پانی کی زیر زمین سطح میں کمی رک گئی تھی۔
عدالت نے محکمہ واسا کو انڈر گرؤانڈ پانی کے لیول کو دوبارہ چیک کرنے اور ساتھ ہی رنگ روڈ اتھارٹی کو شجرکاری سے متعلق پلان جمع کرانے کا بھی حکم دیا۔
اس کے علاوہ عدالت نے سیف سٹی کیمروں کو فائبر آپٹکس کی لائنوں سے منسلک کرنے اور شہر میں پولن لیول کو کم رکھنے والے درخت لگانے کا حکم دیا۔
عدالت نے شہر میں عید تک مارکیٹیں رات ایک بجے تک کھولنے کی اجازت دیتے ہوئے سماعت 14 اپریل تک ملتوی کردی۔
