19 اپریل ، 2023 
اہلیہ کو بولنگ پسند ہے لیکن وہ کہتی ہے بیٹنگ بھی کیا کرو: شاہین شاہ آفریدی
19 اپریل ، 2023
پاکستان کے فاسٹ بولر شاہین آفریدی نے پہلی بار اپنی اہلیہ انشا آفریدی سے شادی کے حوالے سے بات کی ہے۔
شاہین آفریدی نے حال ہی میں نجی چینل کو انٹرویو دیا جس میں ان سے انشا سے پہلی ملاقات اور پھر شادی کے حوالے سے سوالات کیے گئے۔
شاہد آفریدی سے متعلق سوال پر شاہین نے کہا کہ میں اب بھی انہیں لالا ہی کہہ کر مخاطب کرتا ہوں، شاہد آفریدی بظاہر غصے کے تیز لگتے ہیں لیکن وہ بالکل غصے والے نہیں ہیں۔
شاہین سے جب سوال کیا گیا کہ آپ کی شادی کا خیال سب سے پہلے کسے آیا تو انہوں نے جواب دیا 'شادی مجھے کرنی تھی تو خیال بھی مجھے ہیں آیا، میرے بھائی اور لالا کی کافی پرانی دوستی تھی، امی رشتہ مانگنے گئی تھیں'۔
انشا سے پہلی ملاقات سے متعلق شاہین نے کہا 'ہماری باقاعدہ کوئی پہلی ملاقات نہیں ہوئی، گھر آنا جانا تھا تو ملاقات ہو جایا کرتی تھی'۔
شاہین آفریدی سے سوال ہوا کہ انشا کو آپ کی بیٹنگ زیادہ پسند ہے یا بولنگ؟ جواب میں شاہین مسکرائے اور کہا بولنگ تو ظاہر ہے میں کرتا ہی ہوں لیکن جب بیٹنگ نہیں کرتا زیادہ تو وہ کہتی ہے بیٹنگ کیا کرو۔
کرکٹر نے کہا اہلیہ میرے کھیل میں زیادہ دلچسپی نہیں رکھتی لیکن ہر چیز میں سپورٹ کرتی ہے۔
مزید خبریں :
سابق ڈبلیو ڈبلیو ای اسٹار 60 برس کی عمر میں چل بسے
8 گھنٹے پہلے
پی سی بی کا معطل شدہ ڈومیسٹک کرکٹ بحال کرنے کا فیصلہ
12 مئی ، 2025
