05 مئی ، 2023 
پاکستان
جوائنٹ انویسٹی گیشن ٹیم نے زمان پارک لاہور میں عمران خان کے گھر جاکر پوچھ گچھ کی، عمران خان سے 50 سے زائد سوالات کیے— فوٹو:فائل
زمان پارک ہنگامہ آرائی کیسز: عمران خان جے آئی ٹی کے روبرو شامل تفتیش ہوگئے
05 مئی ، 2023
سابق وزیر اعظم عمران خان زمان پارک ہنگامہ آرائی کے 10 کیسز میں جوائنٹ انویسٹی گیشن ٹیم (جے آئی ٹی) کے روبرو شامل تفتیش ہوگئے۔
پنجاب پولیس کی 5 رکنی جوائنٹ انوسٹی گیشن ٹیم ایس ایس پی عمران کشور کی زیر قیادت زمان پارک پہنچی اورڈیڑھ گھنٹہ تفتیش اور شواہد جمع کرنے میں مصروف رہی۔
عمران خان سے 50 سے زائد سوالات کیے گئے۔
عمران خان کے چیف آف سٹاف شبلی فراز کا کہنا تھا کہ عمران خان نے پولیس کے تمام سوالات کے جواب دیے ہیں۔
فرخ حبیب کا کہنا تھا کہ پولیس کو عزت اور احترام کے ساتھ زمان پارک میں رسائی دی ہے جن مقدمات میں پولیس تفتیش کیلئے آئی ہے، تین مقدمات میں پولیس ہماری ملزم ہے
جے آئی ٹی کے سربراہ نے تفتیش کے بعد میڈیا کے سوالات کا جواب دینے سے گریز کیا۔
