کراچی…شکیل یامین کانگا… آل سندھ قائد اعظم فٹبال کپ آغا خان جیم خانہ گراؤنڈ میں تین میچوں کا فیصلہ ہوگیا۔ ٹورنامنٹ کے پہلے میچ میں اصلاح بلوچ الیون نے ینگ اسلام فٹبال کلب کو 3-0 سے شکست دی۔ اصلاح بلوچ کی جانب سے صغیر، محسن اور یاسر نے گول اسکور کئے۔ دوسرے میچ میں بلوچ یوتھ ملیر نے ڈرگ روڈ یونین کو 2-1 سے زیر کیا۔ میچ کے پہلے ہاف میں ڈرگ روڈ یونین نے نعمان کے گول کی بدولت برتری حاصل کی جبکہ دوسرے ہاف میں بلوچ یوتھ کی جانب سے طارق غنی اور فیصل لطیف نے گول اسکور کر کے اپنی ٹیم کو فتح دلا ئی۔ قبل ازیں افتتاحی میچ میں شفیع الیون ملیر نے بلوچ یونین کو سخت مقابلے کے بعد پینالٹی ککس پر 5-4 سے شکست دی۔ اس میچ کے مہمان خصوصی محمد حسن بلوچ، سیکریٹری سندھ فٹبال ایسو سی ایشن تھے جبکہ دیگر مہمانان میں رحیم بخش بلوچ، عبید اللہ ، مراد بخش بلوچ ، جان محمد بلوچ شامل تھے۔ ان میچو ں کو ریفریز سلیم فیض، داد رحمن، سلیم حسین، محمد انور، جاوید اقبال، نصیر الدین اور عبد المالک نے سپروائز کیا جبکہ میچ کمشنر محمد اقبال منہاس تھے۔