14 مئی ، 2023 
پاکستان
فوٹو: اسکرین شاٹ
شہریوں کے مسائل سننےکیلئےگورنر ہاؤس سندھ کے باہرگھنٹی لگادی گئی
14 مئی ، 2023
گورنر سندھ کامران ٹیسوری نے شہریوں کے مسائل سننےکے لیےگورنر ہاؤس کے باہر گھنٹی لگادی۔
گورنر سندھ کامران ٹیسوری نے گورنر ہاؤس سندھ کے باہر عوامی شکایات سننے کے لیے گھنٹی کا افتتاح کر دیا۔
اس موقع پر میڈیا سے گفتگو میں کہا کہ گھنٹی لگانےکا مقصد عوامی مشکلات کو حل کرنا ہے،گھنٹی گیٹ کے باہر لگائی ہے کوئی بھی گھنٹی بجا کر شکایات درج کروا سکتا ہے۔
گورنر سندھ کا کہنا تھا کہ عمران خان مسلسل آرمی چیف کے خلاف گفتگو کر رہے ہیں ان کا مقصد ملک دشمنوں کو خوش کرنا ہے۔
ان کا کہنا تھا کہ عمران خان اس وقت ملک کے لیے سیکورٹی رسک بن چکے ہیں، ان کے خلاف اگر ثبوت سامنے آئے تو ان پر پابندی لگنی چاہیے۔
