23 مئی ، 2023 
پاکستان
ٹریفک حادثے میں زخمی کی اسپتال منتقلی کی اےسی نارتھ ناظم آبادکی تصاویر اور ویڈیوز سوشل میڈیا پر وائرل ہوگئیں— فوٹو: سوشل میڈیا
اسسٹنٹ کمشنر حاظم نے زخمی نوجوان کو اپنی گاڑی میں اسپتال منتقل کرکے جان بچالی
23 مئی ، 2023
کراچی میں اسسٹنٹ کمشنر نارتھ ناظم آباد حاظم بھنگوار نے حادثے میں زخمی ہونے والے نوجوان کی جان بچالی۔
ڈپٹی کمشنر ضلع وسطی کے سامنے شاہجہاں ایونیو پر تیز رفتار کار نے نوجوان کو کچل دیا اور فرار ہوگیا۔
اسسٹنٹ کمشنر نارتھ ناظم آباد حاظم بھنگوار نے سڑک پر پڑے متاثرہ نوجوان کو اپنی گاڑی میں قریبی نجی اسپتال منتقل کیا اور اس کی جان بچالی۔
اسسٹنٹ کمشنر حاظم بھنگوار کا کہنا تھاکہ زخمی نوجوان کی حالت خطرہ سے اب باہر ہے۔
ٹریفک حادثے میں زخمی کی اسپتال منتقلی کی اےسی نارتھ ناظم آبادکی تصاویر اور ویڈیوز سوشل میڈیا پر وائرل ہوگئیں اور صارفین کی جانب سے ان کے اس اقدام کو سراہا جا رہا ہے۔
