28 جون ، 2023 
پیرس میں پولیس نے 17 سالہ نوجوان کو گولی مار کر ہلاک کردیا، شہریوں کا احتجاج
28 جون ، 2023
فرانسیسی پولیس نے پیرس کے نواحی علاقے میں پوچھ گچھ کے دوران نوجوان کار سوار کو گولی مار دی، سینے میں گولی لگنے سے نوجوان موقع پر ہی ہلاک ہوگیا، واقعے پر شہری سڑکوں پر نکل آئے، توڑ پھوڑ ، جلاؤ گھیراؤ شدید احتجاجی مظاہرہ۔
فرانسیسی پولیس کی فائرنگ سے ہلاک نوجوان کی شناخت نائل کے نام سے کی گئی، نوجوان کرائے کی گاڑی چلا رہا تھا۔
پولیس کے نوجوان کو گولی مارنے کی ویڈیو بھی سامنے آگئی ہے، عینی شاہدین کے مطابق پولیس نے بلااشتعال گولی ماری۔
پولیس نے دعویٰ کیا تھا کہ نوجوان ڈرائیور نے انہیں کچلنے کی کوشش کی تاہم ویڈیو نے حقیقت ظاہر کردی۔
لواحقین کے وکیل کا کہنا ہے کہ ویڈیو نے پولیس کے مؤقف بدلنے کی کوشش ناکام بنا دی ہے۔
ہلاک شدہ فرانسیسی، الجزائری نوجوان کی عمر17 برس تھی، اسے دن دیہاڑے مبینہ طورپر بغیر کسی وجہ کے قتل کیے جانے پر مشتعل افراد نے پولیس اسٹیشن کے باہر مظاہرہ کیا اور جلاؤ گھیراؤ کے دوران کئی گاڑیوں کو بھی آگ لگادی۔
صرف 2022 میں گاڑی نہ روکنے پر فرانسیسی پولیس نے 13 افراد کی جان لی تھی۔
مزید خبریں :
امریکا نے ایران کے مزید 5 اداروں پر پابندیاں لگا دیں
1 گھنٹے پہلے
