19 جولائی ، 2023 
پاکستان
اسسٹنٹ کمشنر کورنگی نے فیکٹری کو سیل کردیا، پولیس نے فیکٹری مالک کو گرفتار کرلیا— فوٹو:فائل
کورنگی میں برف فیکٹری سے امونیا گیس پھیلنے سے بچے سمیت 3 افراد بے ہوش ہوگئے
19 جولائی ، 2023
کراچی کے علاقے کورنگی زمان ٹاؤن میں واقع برف فیکٹری سے امونیا گیس پھیلنے سے خاتون اور بچے سمیت تین افراد بے ہوش ہوگئے۔
کراچی زمان ٹاؤن سیکٹر 50 اے میں قائم آئس فیکٹری میں اچانک امونیا گیس لیک ہونے لگی اور دیکھتے ہی دیکھتے گیس نے پورے علاقے کو لپیٹ میں لے لیا۔
گیس لیکج سے خاتون اور بچے سمیت تین افراد متاثر ہوئے جنھیں طبی امداد کیلئے اسپتال منتقل کیا گیا۔
علاقہ مکینوں کا کہنا ہے کہ متعدد بار ایسے واقعات رونما ہوچکے ہیں۔ انہوں نے مطالبہ کیا کہ متعلقہ حکام رہائشی علاقوں سے کمرشل کارخانے ختم کرائیں۔
اسسٹنٹ کمشنر کورنگی نے فیکٹری کو سیل کردیا جبکہ پولیس نے فیکٹری مالک کو گرفتار کرلیا۔
