22 جولائی ، 2023 
پاکستان
خیبر: تحصیل کمپاؤنڈ پر خودکش حملے کی ویڈیو سامنے آگئی
22 جولائی ، 2023
ضلع خیبر میں باڑہ تحصیل کمپاؤنڈ پر خودکش حملے کی سی سی ٹی وی فوٹیج سامنے آ گئی۔
ویڈیو میں دیکھا جا سکتا ہے کہ دو خودکش حملہ آور روڈ کی طرف سے مین گیٹ کی طرف دوڑ رہے ہیں، ویڈیو میں دیکھا جا سکتا ہے کہ خودکش حملہ آوروں نے مین گیٹ پر تعینات پولیس اہلکار پر فائرنگ کی۔
سی سی ٹی وی فوٹیج میں دیکھا جا سکتا ہے کہ حملہ آور گیٹ کے سامنے لگے بیریئرز پھلانگ کر تحصیل کمپاؤنڈ میں داخل ہوئے۔
ویڈیو میں دیکھا جا سکتا ہے کہ دونوں خودکش حملہ آور پولیس وردی میں ملبوس تھے، قبائلی اضلاع میں پولیس کالے رنگ کی وردی پہنتے ہیں۔
یاد رہے کہ 20 جولائی کو باڑہ تحصیل کمپاؤنڈ مین گیٹ پر 2 خودکش دھماکے ہوئے تھے، خود کش دھماکے میں 4 پولیس اہلکار شہید اور دو حملہ آور ہلاک ہوئے تھے۔
