کراچی: شاہ لطیف سے اغوا کیا جانیوالا بچہ کشمور سے بازیاب

کراچی: شاہ لطیف ٹاؤن سے اغوا کیے جانے والے 7 سالہ بچے کو پولیس نے کشمور سے بازیاب کرالیا۔

ایس ایس پی اینٹی وائیلنٹ کرائم سیل (اے وی سی سی) کے مطابق کشمور میں کارروائی کرتے ہوئے 7 سالہ مغوی بچے کو بازیاب کرالیا گیا۔

پولیس کا بتانا ہےکہ 7 سالہ عاصم کو شاہ لطیف کے علاقے سے اغوا کیا گیا تھا، مغوی بچے کو 1 ماہ قبل اغوا کیا گیا تھا جس کا مقدمہ شاہ لطیف تھانے میں درج ہے۔

پولیس کے مطابق اغوا کاروں نے 7 سالہ عاصم کی رہائی کے لیے 50 لاکھ تاوان مانگا تھا۔

ڈی ایس پی ممتاز مگسی کی سربراہی میں ٹیم نے کشمور کے علاقےکرمپور سے مغوی بچے کو بازیاب کرایا۔