نئی حلقہ بندیوں کے حوالے سے الیکشن کمیشن حتمی فیصلہ نہیں کرسکا

اسلام آباد: قومی اور صوبائی اسمبلیوں کی نئی حلقہ بندیوں کے حوالے سے الیکشن کمیشن کوئی حتمی فیصلہ نہیں کرسکا۔

قومی اور صوبائی اسمبلیوں کی حلقہ بندیوں کے حوالے سے چیف الیکشن کمشنر کی زیر صدارت اجلاس ہوا۔

 ذرائع کے مطابق اجلاس کے شرکاء نے نئی حلقہ بندیاں کرنےکی تجویز دی ۔

ذرائع کا کہنا ہےکہ الیکشن کمیشن حلقہ بندیوں سے متعلق کوئی حتمی فیصلہ نہیں کرسکا، معاملے پرمزید غورکیا جائےگا۔

نئی مردم شماری کی منظوری کا مشترکہ مفادات کونسل کا فیصلہ سپریم کورٹ میں چیلنج

سپریم کورٹ بار ایسوسی ایشن نے نئی حلقہ بندیوں پر الیکشن کے خلاف سپریم کورٹ سے رجوع کیا ہے

دوسری جانب نئی مردم شماری کی منظوری کا مشترکہ مفادات کونسل کا فیصلہ سپریم کورٹ میں چیلنج کردیا گیا۔

سپریم کورٹ بار ایسوسی ایشن نے نئی حلقہ بندیوں پر الیکشن کے خلاف سپریم کورٹ سے رجوع کیا ہے۔

درخواست میں استدعا کی گئی ہےکہ 5 اگست کو مشترکہ مفادات کونسل کے اجلاس میں خیبرپختونخوا اور  پنجاب کے نگران  وزرائے اعلیٰ شریک تھے، اجلاس میں ہونے والے فیصلے کی روشنی میں جاری نوٹیفکیشن کو غیرقانونی قراردیا جائے۔

درخواست میں  الیکشن کمیشن کو فوری طور پر انتخابات کی تاریخ کے اعلان کا حکم دینے کی بھی استدعا کی گئی ہے۔