وہ عام غلطیاں جو قبل از وقت بڑھاپے کا شکار بنا دیتی ہیں

عمر میں اضافہ تو ایسا عمل ہے جس کو روکنا کسی کے لیے ممکن نہیں اور ہر گزرتے برس کے ساتھ بڑھاپے کے آثار قدرتی طور پر نمایاں ہوتے ہیں۔

مگر کیا آپ کو معلوم ہے کہ آپ کی چند عام غلطیوں سے بھی بڑھاپے کی جانب سفر تیز ہو جاتا ہے۔

جی ہاں واقعی ان غلطیوں کے نتیجے میں درمیانی عمر میں ہی بڑھاپا ظاہر ہونے لگتا ہے۔

یہ وہ عادات ہیں جو روزمرہ کے معمولات کا حصہ ہوتی ہیں اور اکثر افراد ان پر غور بھی نہیں کرتے۔

ڈپریشن جیسے مرض سے بچنا بہت آسان

ڈپریشن پر قابو پانے کے لیے اچھی نیند بہت اہم ہوتی ہے اور ناکافی نیند سے ڈپریشن کی علامات مزید بدتر ہو جاتی ہیں۔

ناکافی نیند

اگر آپ اچھی نیند کو عادت نہیں بناتے تو جِلد پر جھریاں ابھرنے لگتی ہیں جبکہ اس کی لچک بھی ختم ہو جاتی ہے جس کے باعث وہ قبل از وقت لٹک جاتی ہے۔

نیند کی کمی کے شکار فرد کا جسم ایک ہارمون کورٹیسول کو زیادہ مقدار میں خارج کرتا ہے جسے تناؤ بڑھانے کا باعث تصور کیا جاتا ہے۔

کورٹیسول جِلد کو ہموار رکھنے والے ہارمون کولیگن کے افعال کو متاثر کرتا ہے اور جھریاں ابھرنے کا خطرہ بڑھتا ہے۔

جوانی میں چہرے پر جھریوں کا باعث بننے والی عام وجوہات

ان وجوہات پر قابو پا کر آپ قبل از وقت جھریوں کو نمودار ہونے سے روک سکتے ہیں۔

تمباکو نوشی

اگر آپ تمباکو نوشی کے عادی ہیں تو کینسر سمیت متعدد امراض کا خطرہ بڑھ جاتا ہے مگر اس کے ساتھ ساتھ جوانی میں جھریوں اور کھال لٹکنے جیسی بڑھاپے کی علامات کا سامنا بھی ہو سکتا ہے۔

تمباکو نوشی سے جِلد کی سطح تک آکسیجن اور دیگر ضروری اجزا پہنچانے والے خون کا بہاؤ گھٹ جاتا ہے اور جسم کولیگن ہارمون کو کم بنانے لگتا ہے۔

سورج میں بہت زیادہ وقت گزارنا

کچھ وقت تک سورج کی روشنی میں رہنا صحت کے لیے مفید ہوتا ہے مگر بہت زیادہ وقت گزارنا جِلد کو نقصان پہنچاتا ہے۔

پیشانی پر موجود جھریوں کو دور کرنے میں مددگار آسان طریقے

اچھی بات یہ ہے کہ ان جھریوں کو طرز زندگی کی چند عادات سے کم کرنا ممکن ہے۔

سورج کی روشنی میں موجود الٹرا وائلٹ شعاعوں سے کولیگن ہارمون کو نقصان پہنچتا ہے جبکہ جسم ایک پروٹین elastin بہت زیادہ مقدار میں بنانے لگتا ہے۔

اس پروٹین کے باعث جِلد سخت اور کھردری ہونے لگتی ہے جبکہ جھریاں نمودار ہو جاتی ہیں۔

اگر سورج میں زیادہ وقت گزارنا مجبوری ہے تو ٹوپی اور سن گلاسز کا استعمال کریں جبکہ سن اسکرین کو لگانا مت بھولیں۔

جِلد کی نمی کا خیال نہ رکھنا

اگر جِلد خشک ہو جائے تو وہ سخت اور کھردری ہو جاتی ہے جبکہ لچک بھی بھی ختم ہو جاتی ہے۔

آنکھوں کے نیچے سیاہ حلقوں سے نجات دلانے میں مددگار آسان طریقے

ان حلقوں سے نجات پانا زیادہ مشکل نہیں اور چند آسان طریقوں سے ایسا ممکن ہے۔

چہرے اور ہاتھوں کو دن بھر میں کم از کم ایک یا 2 بار ضرور دھونا عادت بنائیں اور اگر جِلد خشک ہوگئی ہے تو ڈاکٹر کے مشورے سے کریم کا استعمال کریں۔

صحت بخش غذاؤں سے دوری

صحت کے لیے بہترین غذاؤں سے امراض قلب، ذیابیطس اور دیگر ایسی بیماریوں سے تحفظ ملتا ہے جو جوانی کی توانائی چوس لیتی ہیں۔

سالم اناج، پھلوں، سبزیوں، گریوں، زیتون کے تیل اور مچھلی پر مبنی غذا کا زیادہ جبکہ سرخ گوشت کا کم استعمال کریں۔

لوگوں کے بال سفید کیوں ہوتے ہیں؟ سائنس کا جواب جان لیں

بالوں میں سفیدی عمر بڑھنے کی نشانی سمجھی جاسکتی ہے مگر ایسا کسی بھی عمر میں ہوسکتا ہے۔

ورزش سے دور رہتے ہیں

جسمانی سرگرمیوں سے دوری بھی قبل از وقت بڑھاپے کا باعث بن سکتی ہے۔

جسمانی سرگرمیوں کو معمول بنانے سے خون کو جوان محسوس کرنے میں مدد ملتی ہے۔

ورزش کرنے کی عادت سے مسلز مضبوط ہوتے ہیں، جسمانی توانائی بڑھتی ہے، مزاج خوشگوار ہوتا ہے اور دماغی افعال میں بہتر ہوتے ہیں۔

ورزش کرنے سے عمر بڑھنے سے لاحق ہونے والے امراض جیسے امراض قلب کا خطرہ بھی کم ہوتا ہے۔

سیڑھیاں چڑھتے ہوئے اکثر سانس پھول جانا صحت کے بارے میں کیا بتاتا ہے؟

سانس پھولنے کا سامنا ایسے کاموں کے دوران ہو جن میں پہلے کبھی مسئلہ نہیں ہوتا تھا تو یہ خطرے کی گھنٹی ہے۔

ضروری نہیں کہ کسی جم کا رخ کیا جائے، درحقیقت روزانہ 30 منٹ تک تیز رفتاری سے چہل قدمی کرنے سے بھی صحت کو ٹھیک رکھنے میں مدد مل سکتی ہے۔

آنکھیں سکیڑنے کی عادت

جب آپ آنکھیں سکیڑتے ہیں تو چہرے کی جِلد پر شکنیں پڑتی ہیں اور وقت گزرنے کے ساتھ چہرے پر جھریاں نمودار ہو جاتی ہیں۔

دوپہر کی نیند کا بہترین دورانیہ کتنا ہوتا ہے؟

اگر آپ دوپہر کی نیند کے بعد چاق و چوبند بیدار ہونا چاہتے ہیں تو اس کا دورانیہ مختصر ہونا چاہیے۔

عموماً نظر کی کمزوری کے باعث لوگ آنکھیں سکیڑتے ہیں تو اس سے بچنے کے لیے چشمے کا استعمال کیا جا سکتا ہے۔

دوستوں سے دور رہنا

دوستوں اور گھر والوں سے اچھے تعلقات آپ کے دل کو جوان رکھنے میں مدد فراہم کرتے ہیں جبکہ جذباتی اور جسمانی صحت بھی بہتر ہوتی ہے۔

سماجی میل جول سے انزائٹی، ڈپریشن اور ڈیمینشیا جیسے امراض سے بچنے میں مدد ملتی ہے۔

سونف کھانا پسند کرتے ہیں؟ تو اس کے فوائد بھی جان لیں

صدیوں سے سونف کو مختلف طبی مسائل سے بچنے کے لیے کھایا جاتا ہے۔

بلڈ پریشر پر توجہ نہ دینا

ہائی بلڈ پریشر سے عمر کے ساتھ لاحق ہونے والے امراض جیسے دل کی شریانوں کے امراض اور الزائمر کا خطرہ بڑھتا ہے۔

اس کے مقابلے میں جو افراد اپنے بلڈ پریشر کو غذا، ورزش اور دیگر طریقوں سے کنٹرول میں رکھتے ہیں، وہ جسمانی اور دماغی تنزلی کا عمل سست کر دیتے ہیں۔

چینی کا زیادہ استعمال اور میٹھے مشروبات

زیادہ میٹھی اشیا کھانے اور میٹھے مشروبات پینے سے جسم کے اندر ورم بڑھتا ہے۔

کیا اکثر ہاتھ پیر سن ہونا یا سوئیاں چبھنے کا احساس کسی بیماری کی علامت ہوتا ہے؟

اگر اکثر ہاتھ اور پیر سن ہوجاتے ہیں، سوئیاں چبھنے یا سنسناہٹ کا احساس ہوتا ہے، تو ایسا کسی بیماری کا نتیجہ بھی ہوسکتا ہے۔

ایک تحقیق میں دریافت کیا گیا کہ زیادہ چینی کے استعمال سے جِلد کی عمر تیزی سے بڑھتی ہے جس کے نتیجے میں جھریاں بن جاتی ہیں، جبکہ جِلد خشک اور کم لچکدار ہو جاتی ہے۔

دوسروں کی مدد نہ کرنا

جب آپ دیگر افراد کی مدد کرتے ہیں تو جسم خوشی کا احساس بڑھانے والے ہارمونز خارج کرتا ہے۔

اس سے سکون، خوشی اور ایسے احساسات ابھرتے ہیں جو آپ کو زیادہ خوشی کا احساس دلاتے ہیں جس سے تناؤ کم ہوتا ہے جبکہ دل کی صحت اور مدافعتی نظام کو فائدہ ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔