26 اگست ، 2023 
پاکستان
راولپنڈی: خاتون ٹیچر کا طالبہ پر ڈنڈوں سے بہیمانہ تشدد، لڑکی زخمی ہوگئی
26 اگست ، 2023
راولپنڈی: صادق آباد مسلم ٹاؤن کے سرکاری اسکول میں خاتون استاد نے کام نہ کرنے پر مبینہ طور پر طالبہ کو بری طرح تشدد کا نشانہ بنایا۔
طالبہ کے والد محمد بشیر ملک نے بتایا کہ ان کی بیٹی سرکاری اسکول میں نویں جماعت کی طالبہ ہے اور خاتون استاد نے اسکول کاکام غلط ہونے پر میری بیٹی پر ڈنڈوں سے بہیمانہ تشدد کیا۔
والد نے مزید بتایا کہ مار پیٹ کی وجہ سے بیٹی زخمی ہوگئی اور اس کے سر پر بھی چوٹیں آئی ہیں۔
اسی حوالے سے اسکول انتظامیہ کا کہنا ہے کہ محکمہ تعلیم کے افسران اور ڈسٹرکٹ ایجوکیشن افسر کو واقعے کے حوالےسے آگاہ کردیا گیا ہے۔
اسکول انتظامیہ کے مطابق خاتون استاد ذہنی طورپرپریشان ہے اور واقعے پر تحقیقات جاری ہیں۔
