ہائیکورٹ نے آئیسکوکو 25 جولائی تک کی وصولیوں پر تادیبی کارروائی سے روک دیا

اسلام آباد ہائی کورٹ نے بجلی کے بنیادی ٹیرف میں اضافےکے تحت وصولیوں کے خلاف کیس میں وزارت توانائی اور اسلام آباد الیکٹرک سپلائی کمپنی( آئیسکو) سمیت دیگر فریقین کو  نوٹس جاری کرتے ہوئے  آئیسکو کو  یکم جولائی سے 25 جولائی تک کی وصولیوں سے متعلق تادیبی کارروائی نہ کرنے کی ہدایت کردی۔

صنعت کاروں نے 26 جولائی کے ٹیرف کو  یکم جولائی سے نافذ العمل کرنےکا اقدام چیلنج کیا تھا جس پر اسلام آباد ہائی کورٹ کے چیف جسٹس عامر فاروق نے سماعت کی۔

 عدالت نے تحریری حکم جاری کیا کہ آئیسکو  یکم جولائی سے 25 جولائی تک کی وصولیوں سے متعلق تادیبی کاروائی نہ کرے، عدالتی معاونت کے لیے آئندہ سماعت پر اٹارنی جنرل آئندہ سماعت پر پیش ہوں۔

دوسرا اجلاس بھی ختم، بجلی بلوں پر عوام کو ریلیف دینے کا فیصلہ آج بھی نہ ہوسکا

تجاویز کل وفاقی کابینہ کے اجلاس میں پیش کی جائیں گی اور حتمی فیصلہ کابینہ کے اجلاس میں کیا جائے گا، وزارت توانائی

عدالت نے وزارت توانائی، آئیسکو اور دیگر فریقین کو بھی نوٹس جاری کرکے جواب طلب کر لیا ہے۔

عدالت نے تحریری حکم میں کہا ہےکہ درخواست گزار کی جانب سے وزارت قانون کے 26 جولائی کے نوٹیفکیشن کو چیلنج کیا گیا، 26 جولائی کے نوٹیفکیشن کے مطابق اس کا اطلاق یکم  جولائی سے کیا گیا ہے، وکیل کے مطابق قانونی طور پرکسی ایسے نوٹیفکیشن کا اطلاق ماضی پر نہیں ہوسکتا ، وکیل کے مطابق 26 جولائی کے نوٹیفکیشن پر یکم سے 25 جولائی تک ریکوری نہیں کی جاسکتی۔