16 ستمبر ، 2023 
پاکستان
فوٹو: فائل
سوشل میڈیا پر عدالتی فیصلے پر تنقید، پشاور ہائیکورٹ نے ڈی ایس پی کو طلب کرلیا
16 ستمبر ، 2023
عدالتی فیصلے پر تنقید ڈیرہ اسماعیل خان (ڈی آئی خان) کے ڈی ایس پی کو مہنگی پڑگئی، پشاور ہائی کورٹ نے نوٹس لیتے ہوئے جواب طلب کرلیا۔
پشاور ہائی کورٹ نے ڈی آئی خان کے ڈی ایس پی محمد عدنان کو سوشل میڈیا پر تنقید کرنے پر طلب کیا ہے۔
عدالت کی جانب سے جاری نوٹس میں کہا گیا ہےکہ سوشل میڈیا پوسٹ میں عدالت کے خلاف غیر اخلاقی و توہین آمیز الفاظ استعمال کیےگئے۔
ڈی ایس پی کو 19 ستمبر کو چیف جسٹس کی عدالت میں پیش ہونےکا حکم دیا گیا ہے۔
خیال رہےکہ عدالت نے بلا وارنٹ گھر میں گھسنے پر ایس ایچ او کو 3 سال قید کی سزا سنائی تھی جس پر ڈی ایس پی نے عدالتی فیصلے کے خلاف سوشل میڈیا پر تنقید کی تھی۔
