20 ستمبر ، 2023 
پاکستان
عمرے کی ادائیگی کے لیے براستہ استنبول جدہ جانے والے مسافر محمد عمران نے احرام کے 3 تولیوں کو آئس کے محلول سے بھگو رکھا تھا/ فوٹو جیو نیوز
احرام میں جذب کرکے آئس ہیروئن کی اسلام آباد سے جدہ اسمگلنگ کی کوشش ناکام
20 ستمبر ، 2023
ائیرپورٹس سکیورٹی فورس (اے ایس ایف) نے اسلام آباد ائیر پورٹ پر کارروائی کرتے ہوئے عمرے پر جانے والے مسافر کو گرفتار کر کے آئس ہیروئن جدہ اسمگلنگ کی کوشش ناکام بنا دی۔
اے ایس ایف ترجمان کے مطابق عمرے کی ادائیگی کے لیے براستہ استنبول جدہ جانے والے مسافر محمد عمران نے احرام کے 3 تولیوں کو آئس کے محلول سے بھگو رکھا تھا۔
ترجمان کا کہنا ہے کہ اے ایس ایف کے عملے نے مسافر کے سامان کی تلاشی کے دوران پیشہ ورانہ صلاحیت بروئے کار لاکر 5.448 کلوگرام محلول آئس ہیروئن برآمد کر لی۔
اے ایس ایف ترجمان کے مطابق ملزم کو ابتدائی تفتیش کے بعد مزید قانونی کارروائی کے لیے اے این ایف حکام کے حوالے کر دیا گیا ہے۔
