10 اکتوبر ، 2023 
کراچی میں 2 روز سے پھنسے اسلام آباد کے عمرہ زائرین متبادل طیارے سے رات گئے جدہ روانہ
10 اکتوبر ، 2023
کراچی میں 2 روز سے پھنسے اسلام آباد کے عمرہ زائرین نجی ائیر لائن کی متبادل پرواز سے رات گئے جدہ روانہ ہوگئے۔
اسلام آباد سے نجی ائیر لائن کے عمرہ زائرین 31 گھنٹے تک کراچی میں موجود تھے۔ اسلام آباد سے جدہ کیلئے سیرین ائیر کی پرواز ای آر 1801 میں اتوار کی دوپہر فنی خرابی پیدا ہوگئی تھی۔
پرواز نے اتوار کی سہہ پہر 3 بجکر 42 منٹ پر کراچی میں ٹیکنیکل لینڈنگ کی۔
حکام کے مطابق ائیر بس اے 330 طیارے میں آکسیجن کی کمی اور ہوا کا دباؤ کم ہونے کی شکایت تھی۔ طیارے میں جھٹکے لگنے سے چیخ و پکار مچ گئی تھی اور عمرہ زائرین کلمہ طیبہ کا ورد کرتے رہے۔
مسافروں کا کہنا تھا کہ پیر کی شام تک ائیر بس اے 330 طیارے کی فنی خرابی دور نہ ہوسکی۔
ترجمان سیرین ائیر کے مطابق طیارہ گراؤنڈ کر دیا گیا۔ جدہ سے آئی متبادل پرواز سے یہ مسافر رات سوا 11 بجے جدہ کے لیے روانہ ہوئے۔
